الجمعة، 7 ديسمبر 2012

طيف الحداد

اميرة
عايزة أأقولك انك وحشتيني
وسامحيني اني مجتش ازورك لحد دلوقتي
لسه بفكر وبحاسب نفسي على غيابي عنك
قلت الف عندك شوية وقعت في تدوينة بتتكلم عن محاسبة النفس والمصالحة بعد عداوة
ضربت نفسي مليون جزمة اني لسه مش قادرة اروحلك
واني كل مرة بفتح المدونة بيتهيألي ان في تدوينة جديدة هتتنشر تقول انك عايشة
لفيت شوية كمان لقيتك بتتكلمي عن الموت والغايبين
قولتي كل اللي جوايا

قولتي "

يأتي الموت ضيفا خفيفا لا تكاد تراه .. ولا تشعر به عند قدومه .. تشعر فقط عند رحيلة .. فقد رحل ومعة أعزمن تملك في الدنيا .

" هو الموت دائما يحسن الإختيار "   

نفس الكلام ببيدور  في بالي
بيختار احسن الناس
هو انا وحشة قوي ؟

هناك تعليق واحد:

Enjy Ebrahim يقول...

"الموت ينتقي الجياد"

المثل دة قالوه العرب زمان يا حنان..بس مش معناه ان اللي ربنا سايبهم عايشين يبقوا وحشين

بالعكس..اللي ربنا سايبهم عايشين ولسة قلوبهم بتحس..ربنا سايبلهم فرصة للاستمتاع والاستغفار

استمتعي بحياتك واستغفري ربنا على اى حاجة غلط عشان تروحيله خفيفة

الوحشين هما اللي ربنا سايبهم عايشين بس موت قلوبهم

وانتي لسة قلبك مماتش..تبقي مش وحشة

يا حونان :)