الثلاثاء، 6 يوليو، 2010

بنك دم المدونين


بنك دم المدونين
بداية الفكرة بسيطة : انشاء ما يسمي بنك دم المدونين ، حيث يقوم المدونين بتنظيم التبرع بالدم واعطاءه لمن يحتاج كما فهمت :)
كل محافظه سيكون لها مندوب وعدة أشخاص لتنظيم الحملة
جاري انشاء قاعدة بيانات خاصة بالبنك
من أراد فعل خير أو حتي الاستفادة فقط من التبرع بالدم (عدة فوائد من ضمنها ما كتبه استاذ خالد همس الاحباب) يسعدنا جدا مشاركته
من أراد المساهمه في التنفيذ له جزيل الشكر وننتظر تواصله علي ميل الحمله الموجود عالمدونه الموضحه اعلاه
من اراد المساهمه في طرح الافكار والمناقشه يشرفنا برأيه
قال تعالي : " خذ من أموالهم صدقة تطهرهم وتزكيهم بها " الزكاة عن الصحة أعتقد انها من أفضل الزكاة ، والرسول عليه الصلاة والسلام قال : " من فرج عن أخيه كربة فرج الله عنه كربة من كرب يوم القيامة" وقال : " الله في عون العبد ما دام العبد في عون أخيه "
الاحاديث والايه في غني عن الشرح
حقيقة ما يقال عن ارتفاع اسعر اكياس الدم في السوق السوداء وحتي في الاسوواق الحكومية او الاماكن المشروعة بها ما بها من التعطيلات والعقبات وفيما يلي مثال واقعي جدا جدا
" من فترة قريبة خضعت والدتي لعملية جراحية خطيرة وكانت تحتاج لعدة أكياس من الدم وحدث الاتي
1/ وجدنا اكياس الدم والفصيلة (فصيلة متوفرة) ولكن رفض اعطاء اكثر من كيس واحد فقط !
2/ سعر احد الاكياس التي تحصلنا عليها قارب من 400 جنيه وفي رحلة البحث مر علينا ما جاوز ذلك ايضا !
3/ في احد الاماكن رفضوا اعطاء اي كيس دم ( بالفلوس برده مش ببلاش ) الا اذا تبرع احد الاشخاص اولا ( يعني يا حد يجيب حبة من الاحمر يا اما مش هتاخدوا حاجه ) وحصل وتبرع خالي بالدم نظير كيس دم لامي في مقابل نقود ايضا !
4/ استغرقت رحلة البحث الاولي عدة ساعات بينما كانت عملية والدتي عاجلة جدا !
5/ هناك مراكز معتمدة رفضت اعطاء اية اكياس من الاساس !
6/ انا اتبرعت بالدم مرتين في حياتي .. اول مره تبع مستشفي حكومي مشهور اكتشفت بعدها انهم بيبيعوا كيس الدم اللي واخدينه ببلاش ب 500 جنيه ولازم يكون معاك شيك كمان !
7/ده تلخيصا خير اللي عايز يعمله يتفضل وربنا هيؤجره واللي مش عايز كفاية يشجعنا انا واحدة من الناس بقالي فترة بفكر هدفي في الحياة من ناحية الخير هيكون في ايه لقيت مشرع بنك دم المدونين ده قدامي ومش هتعب فيه ولا حاجه وحتي لو تعبت فهيكون قليل قصاد النتيجة الاسمي
8/ مقولة قطرة دماء تساوي حياة .. صحيحة حرفيا .. انا شفت بعيني .
للجميع جزيل الشكر


هناك 5 تعليقات:

richardCatheart يقول...

ايه الحلاوه دى

الله ينور يا جميل ربنا يكرم ويكون حاجه جميله وخير موصول مايتنهيش
يارب

مبروك رجوعك للتدوين
وانا علقت على البوست اللى فات
بس هرب ابقى شوفيه مستخبى كده عندك فى الاؤده ههههههههههه

تحياتى يابنت بلدى

(ست* جنى* الحسن) يقول...

سلامو عليكو..
جزاكى الله كل كل خير
وجعله فى ميزان حسناتك
ربنا يسعد ايامك
ويفرح قلبك
ويعزك
انى احبك فى الله

حنان الشافعي يقول...

ريتشارد قلب القطه
دي جبنه قديمه :)))
ساااااااااااااااااااارب


الله يبارك فيكي
وصل متقلقيش


حبي ليكي وودي

حنان الشافعي يقول...

جني

وعليكم السلام

وجزاكي يارب

يااااااااااااااااارب

الله يكرمك
اوانا احبك في الله يا جني

حنان الشافعي يقول...

اh