أميرة
هو انتي فاكراني؟
امبارح اروفيوس كان بيقولي هتفضلي زعلانة كتير؟
قولتله اني بكتبلك وبقولك نبدل
قالي هتقدري تتحملي تخليها تعيش حزنك دلوقتي؟
قولتله انا عايزة ابدل الحالة بدون الأثر
قال انه كان ممكن يزعل لو حس انه لما يموت محدش هيفتكره
انا مش نفسي قوي حد يفتكرني يعني
انا نفسي ارتاح
او ممكن اختار حياة خدرة مخدرة
مش عارفة
اللي اعرفه اني ابتديت احس ان حزني مبتذل واني بحشر رغباتي ومعاناتي فيه بالعافية
ده شيء مستفز
مينفعش لما حد يحكيلي انه تعبان اديله محاضرة 3 ساعات عن اللي شوفته في حياي وقد ايه انا بطلة
مفروض اخفف عنه
اسمع ولو حتى سكت وبس
عشان كده مش مفروض احشر سخافاتي عن الواقع وازمة الوعي في حزني لوفاتك
لو كتبتلك تاني هكتبلك ليكي وبس
هحاول افتكر تفاصيلك القليلة واتغلب على ذاكرتي اللي بقت اخف من السبرتو الابيض
اميرة
انا عندي فوبيا الغياب.
هو انتي فاكراني؟
امبارح اروفيوس كان بيقولي هتفضلي زعلانة كتير؟
قولتله اني بكتبلك وبقولك نبدل
قالي هتقدري تتحملي تخليها تعيش حزنك دلوقتي؟
قولتله انا عايزة ابدل الحالة بدون الأثر
قال انه كان ممكن يزعل لو حس انه لما يموت محدش هيفتكره
انا مش نفسي قوي حد يفتكرني يعني
انا نفسي ارتاح
او ممكن اختار حياة خدرة مخدرة
مش عارفة
اللي اعرفه اني ابتديت احس ان حزني مبتذل واني بحشر رغباتي ومعاناتي فيه بالعافية
ده شيء مستفز
مينفعش لما حد يحكيلي انه تعبان اديله محاضرة 3 ساعات عن اللي شوفته في حياي وقد ايه انا بطلة
مفروض اخفف عنه
اسمع ولو حتى سكت وبس
عشان كده مش مفروض احشر سخافاتي عن الواقع وازمة الوعي في حزني لوفاتك
لو كتبتلك تاني هكتبلك ليكي وبس
هحاول افتكر تفاصيلك القليلة واتغلب على ذاكرتي اللي بقت اخف من السبرتو الابيض
اميرة
انا عندي فوبيا الغياب.
ليست هناك تعليقات:
إرسال تعليق