كاتونيا: مافي حب

وأنا احب اقول الشعر في الحلوين

آرملة البحر

يشبهك

فى جنونه و سكونه

فى رقته وشجونه

فى المغربية

لحظة لجوء الشمس

فى الهمس

فى عيونه

يشبهك

فى موجه بــ عناده

فى عشرته و بِعاده

فى طلته فى ضحكته

فى غربته

مهما كترت بلاده

يشبهك

فى وجعه بــ جراحه

فى صبره و براحه

فى حاله فى خياله

فى جماله

فى رقة صباحه

يشبهك

بينك وبين البحر شىء

أنا مش برىء

عشان اعرفه

أنا طير غريق

البحر قرر يخطفه

و شوفتك هناك

طيف كل موجة

موجة تحكيلى عنك

موجة تحكيله عنه

عايز يكون منكـِ

جايز تكونى منه

لكن الأكيد أنه

مش مرتبط

عاش البحر مات البحر

حياته واضحة و متفصلة

البحر مالوش آرملة

أحمد محيي

مدونة أسماء وأحلام في وجداني