الثلاثاء، 3 يوليو 2012

الله يرحمها

كان ليا صاحبة
أكتر انسانة حبيتها في حياتي
اكتر انسان اخلصتلها في حياتي
اكتر انسانة تعبني بعدها عني في حياتي
اكتر انسانة نضيفة وجميلة وبيضا من جواها ..كانت ياسمين أبيض وريحته حلوة
كانت انسانة قوي
كانت لؤلؤتي اللي كتبتهلها كتير ودورت عليها كتير وانا بكدب اي حد يقولي انها مش راجعة
الله يرحمها ويدخلها الجنة..ماتت يوم 29 فبراير اللي فات..2012 يعني
ولازلت لحد امبارح مكنتش مصدقة...وكنت بكلمها واكتبلها كأنها موجودة فعلا
انهرده بس ماما فضلت تقولي سيبيها في حالها يا حنان..صاحبتك ماتت ياحنان ..صاحبتك ماتت يا حنان
زي احمد حلمي لما كان فاكر ان ابوه لسه عايش وكان بيكلمه
ده انا حتى كنت كل ما بسافر اسكندرية بشوفها ماشية في الشارع...والله كل مرة..حتى يوم الحد اللي فات برضه شوفتها
اقرولها الفاتحة وادعولها كتير قوي
ولو حد ناوي يموت قريب يقولي عشان يوصلها جواب ويقولها اني بحبها قوي
دي اخر صورة  لينا مع بعض..الله يرحمها

هناك 10 تعليقات:

الازهرى يقول...

البقاء لله تعالى

ف الفقيدة العزيزة
أدعوا الله تعالى أن يسكنها الفردوس الأعلى من الجنة

وأن يرزقكم الصبر والسلوان

أحمد أحمد صالح يقول...

ربنا يرحمها و يسكنها فردوسه الأعلى..
..
صعب جدا موت صديق أو عزيز، لكن هو ده حال الدنيا،و احنا عارفين كدة كويس لكن محتاجين نتقبله بإيمان أكتر و بصبر أوسع..
ربنا يصبرك على فراقها و يصبر أهلها اللي أكيد شعورهم وحالتهم زيك..و ربنا يرحمها برحمته الواسعة و يسكنها فردوسه الاعلى..اللهم آمين

شمس النهار يقول...

ان لله وان اليه راجعون

هتخدي وقت علي ماتستوعبي فراقها

richardCatheart يقول...

لا اله الا الله الف رحمة زنزر عليها ربنا يغفر لها ويتقبلها ان شاء الله دائما الصدمة بتعطل العقل وكل ماكانت اقوى كل ما الوقت بيطول علشان نستوعبها ربنا يعوضك خير منها ويسامحها ويتقبلها

Ramy يقول...

البقاء لله

و البقية فى حياتك

و يصبر اهلها و يصبرك

مصطفى سيف الدين يقول...

البقاء لله
ربنا يرحمها و يغفرلها و يسكنها اعلى فراديس الجنة اللهم امين
الفراق صعب و مؤلم لكن الحياة تسير دائما و لا تتوقف في محطة كما تقول فيروز
نبكي على الدنيا وما من معشر جمعتهم الدنيا و لم يتفرقوا

ربنا يرزقك الصبر و السلوان و يصبر اهلها
و لو عايزة تبعتيلها جواب و تضمني اني يوصلها افتكريها بكل حاجة حلوة و اقريلها الفاتحة و بعدين اقريلها جوابك و صدقيني هيوصلها

hasona يقول...

الله يرحمها ويرحمنا

hasona يقول...

البقاء لله

هذا حال الدنيا

وللأسف نتكالب عليها

أموات أبناء أموات

كيف لفرع أن يبقي وقد راحت جذوره

الله يرحمها ويرحمنا جميعا

hasona يقول...

الله يرحمها ويرحمنا

Hanan Elshafey يقول...

أميرة

وجعتيني ياحنان وحاسة بيكي لاني دوقت الألم دة اكتر من مرة والتصديق صعب ومؤلم والأريح اننا مانصدقش الله يرحمها ويغفر لها
لو دخلتي عندي هتلاقي اخر كتبتها عن صديقة فقدتها اللهم يرحمهم ويرحم امواتنا واموات المسلمين
سوري يا أميرة مسحت الكومنت بالغلط