السبت، 5 يناير 2013

يا اسكندرانية


إسكندرية الصبية ..بنيِّـة امبارح
أموت فى عودها السِرِح..وف رمشها السّارح
شِرح هـواها ..وشعورها..شَـبك وليل طارح
ع البحر..والبحر فى ننى العيون بارح
دى إسكندرية عروسة بحرها المالح
يا إسكندرانى.. يا بستانى فى جناين الريح
يا قانى جواك سما..وشمس..وغنا تباريح
أحلى ما فيك يا وله..إنك جدع وصريح
وطيب القلب ..تضحك..حتى وانت جريح
وان عاندك الموج..تداديه انت وتصالح
دى اسكندرية عروسة بحرها المالح
يا اسكندرانية ..يا مِياسة محنيّة
يا بنت بحرى يا ساكنة قلبى وعينيا
فى الحرّ..ع البرّ تجرى..مستأنية
يرشك البحر ميّة..ترشي حنيّة
على وشِّى..ويصيب حشايا سهمك الجارح
دى اسكندرية عروسة بحرها المالح
اسمعوها هنا .. اهداء للبنات الاسكندرانية والبنات اللي بيحبوا اسكندرية وشيماء زايد

هناك تعليق واحد:

richardCatheart يقول...

الف الف الف اللللللللللللللللللللللللللللللللللللللله