السبت، 5 يناير، 2013

نقطة

ايه المميز في يوم 3 يناير؟
ان انهرده 5 يناير.

هناك تعليق واحد:

شاب فقرى يقول...

تلاتة يناير وخمسة يناير
فى هذان اليومان هنالك :
فى مكان ما فى الدنيا
فى ناس بتطفي شمع تورتة
وفى ناس بتنزل شغل
وفى طفل بيجري ورا فراشة
وفى بنت ماسكة بالونة وبتضحك
وفى واحد بياكل بليلة من عند الراجل اللى فى سيدي جابر وبيديله تلاتة جنيه بس لانه ممعهوش خمسة جنيه
وفى واحد ماشي عالحبل بيحاول ميقعش
وفى بلياتشو بيضحك
وفى ترماي بيجري وسط المطرة بكل شموخ وعزة وكأنه بيتحدي الوجود برغم كبر سنه وصوت الحديد اللى بيحتك مع بعضه واحساس المرجيحة جواه
وفى برده فلاح قاعد تحت السجرة ( وليست الشجرة ) وماسك فحلين بصل ومقطع الدنيا بطبق الفول او الجبنة القريش وراضي وبيغمض عينيه وهوا بيشرب الشاي ويقول يح كدا وهوا مبسوط
وفى برده واحدة بتستلم شهادة الدكتوراة وبترمي القبعة بتاعتها فى الهوا عشان تقع علي زميلها اللى هيبص لها ويضحك ويحبوا بعض ويجيبوا صبيان وبنات وبعدين يتجوزوا ( امريكا من حقهم يا حاج )
وفى برده واحد صيني قاعد مع واحدة صينية بيشربوا شاي صيني وبيفكروا استايل الجزم اللى هيصدروه لمصر وينزل العتبه والموسكي هيبقى منظره عامل ازاى

سيبك من كل دول بقى
لأن كل الحالات السعيدة دي بنتفرج عليها
زي ما يكون المفروض نتفرج عالبشر وهما فرحانين
إنما إحنا
مسيرنا نفرح ذات يوم
خلينا نستني بمزاج بقي بعد إذنك :)

إيه الكومنت دا

معلش الكيبورد شكلها جديد فقلنا نجربها مع ان اللاب مش جديد

كل سنة وانته بخير يابو نسمة
وإبقى إكتبي بوست يستاهل تعليق
مش فيه سؤال وصورة ودمعة
خلونا نعرف نعلق وادونا فرصتنا بقى :D

خالص تحياتي

شاب فقري