الثلاثاء، 14 فبراير، 2012

هابي فالانتاين..احمد الطحان :(


النهاردة لبست فستاني الكاجوه

جبتلك تورتة فراولة

و دستة من نَفْس الجاتوه

جبتلك دبدوب و قلب

و الماديلية ب حرف اسمك

حُط إيدك فوق عيوني

واحدة واحدة شيلها

و حشوف الكادوه

كنت عارفة

برضه ضيّعت الفلوس !!

جبتلي الفرو اللي عيني

كات حتطلع لمّا أصحابي جابوه

قلتلك امسك إيديك

لسّا عندك فرْش شقّة

و شبْكَة ب الشيء الفُلاني

و انت عارف طبع بابا

و ماما و مُعايرة جيراني

بس أقولّك إيه .. بحبّك

عيني صعب تشوف يا روحي حد تاني

بكرة تيجي .. بابا عايزك

ابقى قولّه كلمتين

بدري مش عايزينها سَهْرَة

و لا أقولّك

لمّا ترجع م المظاهرة

..

..

..

فالانتاين مايكل مسعد و فيفيان

الشاعر أحمد الطحان

ليست هناك تعليقات: