السبت، 9 أكتوبر 2010

بذور الطماطم


كنا نجلس سوياً أنا وهي .. في مقهانا الذي أصبح معتاداً في نفس المكان _كذلك_

تحكي لي عن فسيفساء انفعالات

حبيبها العائد بقوة ، قاصدة أن تجبرني علي أن أعيش نفس إحساسها بالقلق أ

الطمأنينة

أو حتي الهيام ،عندما

صرخت بها فجأة :"عايزة أشتري بذور طماطم" ، ليكون ردها اللاإرادي الواعي والمدرك

: " آه .. وتبيعيها في السوق

السودا"

تعالت ضحكاتنا الغافلة..ولكنها لم تكن منأي عن فهم ما أعنيه حقاً ،

زاد عمري عن الثانية والعشرون .. وطوال حياتي لم أسمح لنفسي بأن أنطق حرفاً يتعلق بالسياسة أو الحكومة أو أوضاع البلاد .. أو حتي مصروف البيت الشهري .. ، نعم عشات غافلة عن كل هذا .. ولكنها ليست تلك الغفلة التي تعزلني عن محيطي المجبرة عليه ، فكما صرحت مراراً أن حلمي أن أسافر خارج البلاد لأحيا حياة كريمة .. "بلي .. سأنكس الراية ".. وسأرحل .. هكذا أجيبها عندما تستنكر خطيئتي .. "تعبت انتظاراً لوطن غيري " .. هكذا أبرر خطيئتي كل مرة ،

"عايزة أشتري بذور طماطم " لا زالت جملتي أنا تتردد داخلي من وقتها ،

تحولت الطماطم في بلادي من شئ نعامله معاملة صنف من أصناف كثيرة تتضمنها السلطة .. إلي حلم .. كحلم الوطن .. غالٍ .. للغاية ،
ذات مرة سألني حبيبي لماذا أحلم بالسف دوماً .. مع أنه تعرف علي الوطن؟؟ أجبته ..:" الوطن في بلادي يا حبيبي .. للأغنياء " لم يعلق ولم أحاول حتي فهم إجابتي الفانتازية المعقدة ، اليوم عندما أتذكره .. أود أن أهاتفه لأخبره أن الطماطم في بلادي .. صارت للأغنياء !

أعترف أنني تغيرت كثيراً .. صرت حالمة أكثر .. زادت درجة عنادي أكثر وأكثر .. لن أسافر .. ولن أنكس الراية .. وسأجد حلاً لأعيش في تلك البلاد بوطن وقلب عامر بالأمان .. حتي لو اضطررت لزرع بذور الوطن .

هناك 32 تعليقًا:

حرّة من البلاد..! يقول...

ازرعيها لا عليك
سأزرع معك تلك البذور علها تنضج ونحصد من ورائها حرية اشتقنا لتنفسها منذ زمن ,لا بأس سأنتظر يوما أتذوق معك طعم الوطن .
سلمت أناملك ودمت بعز .

شيماء جمال(شيمو القمر) يقول...

عارفة يا حنون حيت وأنا بقرا بمليون حاجة زى كده اعلان دوريتوس الجديدة لما البت كانت بتقول عامل زى الا زى الا
اهو كده
حاسة زى ما يكون وقعت من الدور الأول فى الشتاء على حمام سباحة بارد
يمكن احساسى مجنون
لكن أتمنى أنا أيضا زراعة بذور الوطن

تحياتى لحروفك
شيمو القمر

عمرو يسرى يقول...

بوست رائع
بس ياريت لما نيجى نزرع بزور الوطن نلاقى تربه خصبه مش متجرفه
تسلمى

همسات وبحــ الحياه ــر يقول...

ازيك ياحنون يارب تكونى بخير
البوست جميل وعلى رايك الطماطم بقت اكل الاغنياءههههههه صدقينى الناس مبقتش تجيب فاكهه وتجيب طماطم
اول 6 اسطر مقرتهمش لان الكلام داخل فى بعضه
لن أنكس الراية .. وسأجد حلاً لأعيش في تلك البلاد بوطن وقلب عامر بالأمان .. حتي لو اضطررت لزرع بذور الوطن .
عجبتنى الجمله دى
تحياتى

خواطري مع الحياة يقول...

السلام عليكم
له ارخص شي
شي يساعد الغني والفقير
سي يخلي الانسان يعيش فدنيا ياخذوه منه
ربنا يوفقك وتحققي حلمك وتزرعي بذور الوطن ولو انه شبه مستحيل
تقبلي مروري
سلامي

The illusionist يقول...

غاليه قوى

mrmr يقول...

ااااااااااه
بذور الطماطم بقيت حلم كل شاب لكسب الرزق

حاجه تبكى القلب حتى ابسط الاشياء اصبحت من الاحلام

بذور الطماطم حلم الشباب يالهوووووى

بوست جميل يا حنونه سلمت يداكى

غير معرف يقول...

مجنونة يا قوطة

eng_semsem يقول...

الوطن يحتاج الى كل فرد يستطيع تقديم نفسه فداء فكره بس بلاش الطماطم عشان لونها احمر لون الدم وهيقولوا عليك انتحاريه وهيتهموكي انك اول قتيل ليك هيكون الوطن اختاري حاجه لونها اخضر او حمام الاستسلام

star يقول...

بس يا حنون مش الطماطم بس هى اللى مخليانا نسافر لا ديه حجات كتيييييييير
زى الزحمه و عدم الشغل و الغباء والجهل و ارتفاع الاسعار فى ظل انخفاض قيمة العمله حجات ياما لو قلناها مش هنخلص

حنان الشافعي يقول...

حرة من البلاد..!
سأزرعها معك وازرعيها معي..
سأحصد معك وتحصدي معي .. نحصد جميعاً محصول الوطن المحبب
انتِ اشتقت لتنفس رائحة الحرية وانا اشتقت لتنشق رائحة الوطن .. فأنا حقاً سجينة خارجه منذ زمن
لا بأس سأنتظر يوما أتذوق معك طعم الوطن .
سنتجتهد وننظر الحاد .. كلما زادت البذور كلما زاد النتاج :)
أشكركِ
ودمتِ بوطن :).

حنان الشافعي يقول...

شيمااء جمال
شيمو القمر
بعيد عن اعلان دوريتوس عشان مش بتفرج علي تليفزيون فهمتك

لكن أتمنى أنا أيضا زراعة بذور الوطن
كلما زادت البذور وزاد الزراع كلما زاد النتاج :)
تحياتي لوجودكِ

حنان الشافعي يقول...

عمرو يسري
ولو لقيناها متجرفه
لو بور حتي
نحاول فيها يا عمرو :)
انا زمان عمري ما شيلت هم اي وطن ولا حسيت بوطن اصلا
دلوقتي
احساس مختلف
حتي لو زدلي شوية هم :)
دمت هنا .

حنان الشافعي يقول...

همسات وبحر الحياة
اول 6 سطور عدلته يا فندم
تحت امرك
:)
مبسوطه انها عجبتك وطالما عجبتك يبقي فهمتيها

هاتي فس وتعالي ازرعي معانا
:)

حنان الشافعي يقول...

خواطري وبحر الحياه
وعليكم السلام ورحمة الله وبركاته
مش شبه مستحيل
هو صعب
مش مستحيل
انا كنت زيك كده ويمك اكتر
مكنتش مستنيه وطن اصلا
:)
مرورك كريم
سلام ووطن:)

حنان الشافعي يقول...

the illusionist
قوي قوي

حنان الشافعي يقول...

mrmr
اه شفتي بقي
حلم كل شاب
روسه وعربيه وشقه وكيس بذور طماطم
نيهاهاه
منوره يا مررمر
وميرسي :)

richardCatheart يقول...

الله يا نيو الله

بجد جميله اتقد لو كلنا سلمنا وكلنا زهقنا ومشينا وفضل واحد بس فى ايده بذور الطماطم يبقى هو بس اللى يستحق
انه يبقى صاحب هذا الوطن وهو بس اللى هايقدر يحيها من جديد

واكيد هو بس اللى هايتغنى بعد زرع بذر الطماطم بتاعته وبيعها ههههه

تحياتى وجميله يا جميله

موناليزا يقول...

حلو احساس القصة والفكرة المختلفة يا حنان
ربطتى بين مجموعة من الأحداث كلها بتمر بخيط واحد وبقضية واحدة
المشكلة فى الكتابة فى القصة دى حاولى لما تكتبى يكون فى تنسيق ومراجعة الكلام قبل النشر
قصة جميلة او مجموعة أحداث شهية قد تصنع قصة
بطعم الطماطم
الا هو الطماطم بقا طعمها ايه الفترة الأخيرة

Ramy يقول...

يارب

نلاقى بذورنا اللى ضاعت


و نزرعها مع بعض كلنا من تانى

الوطن في بلادي يا حبيبي .. للأغنياء ):

طيب

يوميات شحات يقول...

شكرا على البوست

غير معرف يقول...

Hi Its so nice of you to take all the the trouble to translate it in to English . It makes me feel sad that i dont speak arabic But wallah one day I will . This is a nice way to show the whole world how proud we as muslims who have a rich culture , heritage and indeed good literature which seconds to none. May Allah Bless with you . Finally thanks for all the help you gave me I will never forget.

حنان الشافعي يقول...

غير معرف العربي
.................
ده في السوق حضرتك
تاني شارع شمال

حنان الشافعي يقول...

eng_semsem
.................
الوطن فعلا محتاج كل فرد وكل نفس
ومش خساره فيه يا ستي كل نقطة دم ولو قالوا عني اني انتحارية حتي مش مهم
ولو اخترت لون تاني هيبقي اسود عشان لا بحب الاخضر ولا بحب استسلم

ودي :)

حنان الشافعي يقول...

star
هلا بالنجمه المنوره
.................
الطماطم كانت رمز ي قلبي
تقدري تقولي كانت قشه قسمت ظهري وخليتني اتكلم
عمري ما حبيت اتكلم واقول انا بحب مصر وانا ووطنيه او حكومه وغلاء وهبل
بس بجد كده كتير

حنان الشافعي يقول...

ريتشاااااااااااااااااااااااارد
وحشتيني مووووووووووت يا مارو
...................
عجبتك :)
مبسوطه قوي :)
طبعا هو اللي يستحقها اللي تعب عشانها
مش زرعته؟؟
بس لو فضل هو بس وزرعها
تفتكري هييبعها لميييييييييين
هههههههههههههه

حنان الشافعي يقول...

موناليزا
.........
وحشتيني فعلا
من زمان منورتينيش هنا
مبسوطه انها عجبتك يا مونا
المشكلة فى الكتابة فى القصة دى حاولى لما تكتبى يكون فى تنسيق ومراجعة الكلام قبل النشر
والله والله راجعت بس الكي بورد وحشه
ومتشكره قوي انك لفتي نظري مش بتقري وخلاص
:)
الطماططم
هاااااااااااااااااااااااااااه
ريحتها اعرفها طعمها لااااااااااء
ههههههههههه

حنان الشافعي يقول...

رامي
يارب يا رامي

واه بقي الوطن للأغنياء
المشكله ف دي ولا في يا حبيبي :$
وش مكثوووووف
منورني

حنان الشافعي يقول...

يوميات شحات
العفو

حنان الشافعي يقول...

غير معرف الغيرعربي
.............
my dear friend ..Hi Its so nice of you to take all the the trouble to translate it in to English
its nothing to do 4 such a friend


It makes me feel sad that i dont speak arabic But wallah one day I will
remember ur very first teacher :)

his is a nice way to show the whole world how proud we as muslims who have a rich culture
rhanx shfraz i hope i sm day begood enugh 4 the job
may Allah Bless with you

alwaays be there
:)

جايدا العزيزي يقول...

الله على معانى مفرداتك حنان

اجل يجب ان نزرع بزور امل

موضوع رائع

اشكرك

تحياتى

maha يقول...

حنان
ازيك يا حنونه انا مها
مفأجاه صح
مدونتك جميله جدا جدا يا حبيبتي
يسلم احساسك العالي
تحياتي