الخميس، 1 نوفمبر 2012

صوابع سمرا


عن بنت
بتشرب سجايرها في الشباك
فعمرها ما اتعلمت ازاي تطفيها
كانت ديما ترميها مولعة عالناس
وتلسعهم
وفي أول مرة شربتها مع صاحبتها
اتكسفت
فلسعت ايديها هي
كان برضه في اوضتها
ولسه متعلمتش تطفيها ازاي
عنها
بتشارك صحابها في الدخان بره الاوضة
بره الشباك
في الشارع مثلا
تصدّق 
عمرها ما عرفت بتشربها ليه
جايز عشان حبيبها بتغريه البنات
بصوابع سمرا ؟
معندهاش حبيب !!
بس أول مرة شربت سيجارتها قدامه
برضه اتكسفت
كانت بتلم الدخان في ايديها
ترميه بعيد
وتوريه صوابعها
محروقة!
عن بنت عمرها ما شربت سجاير
وبتسرق علبة باباها
عشان تحافظ على كام نفس زيادة 
يساعدوه يحضنها مرة كمان
عن بنت عمر باباها ما حضنها
ولا مديرة الدار عرفتها شكله ايه

هناك 5 تعليقات:

Lobna Ahmed Nour يقول...

بعيدًا عن "يا لهوي يا لهوي يا لهوي"
عايزة أقولك يااااا لهوي
أنا كنت عارفة إن الباب الكئيب ده مخبي وراه مصيبة
رجعي الباب يا حناااان
:P

طارق هلال يقول...

اختلفت الحيرة ، وكلنا قتلى.
-نتخيل البعث ونخافه.

Hanan Elshafey يقول...

لولي
رجعت باب تاني :P
....

طارق
...
ممممممممممممممممممممممم
كبيرة كده

Ramy يقول...

من أول ما نشرتى البوست و انا عاوز أعلق مش عارف

لأنه وجعلى قلبى و انا مكنتش عاوز اتوجع

أصل انا اليومين دول مش موجوع

و كنت عاوز اكمل كمان يومين ((:

تنهيدة كبيرة من جوه قوى

.
.
.

بس


محمد سلامة يقول...

وعلى رأى الشركات الفكاهية
التدخين ضار جدا بالصحة ويسبب الوفاة ههه