الثلاثاء، 28 سبتمبر 2010

مقبرة الذكريات

تعاودني الهلاوس والوشوشات ..
كان لي حبيب .. أحببته .. فمات ..
يغريني وقع دقات قلبه داخلي ..
تغريني همهمات ..
سأهرب مني و من عبراتي ..
سأهرب إليه .. تقودني أنات ..
تعاودني الهلاوس .. ثانية..
حبيبك مات ..
ومن لي بقلبي تحيا به الدقات ..
لازلت أشعره .. لازلت أسمع النبضات ..
تعاودني الوساوس ... لقد مات
حفرنا قبره بخناجر الذكريات..
أصرخ .. أقطع شعري كالمجنونة..
أبحث عن قبر مزعوم .. حاملة فأساً مسنونة..
أحتضن قبرك يا قلبي .. ينتشلوني .. بماء غسلك يغمروني..
أكتفن رحيلك يا عمري ..
وأدفن بجوار أمير مات ..
تنعيني هلاوس ووساوس وآهات ورعشات ..
ويغرس فوق قبرنا شاهد ..
هنا جسدان وروحان وقلبان وحبيبان ..
هنا قبر الأمنيات.


هناك 31 تعليقًا:

aya abd elkarim يقول...

جمييله اوى يا حنان سوداويه جدا غلا أنها تتميز بالشجن

غير معرف يقول...

رهيبه يا حنون
تسلم ايدك
كلمات حزينه مع ذكريات ماتت واصبحت اموات
دمتى بخير

غير معرف يقول...

نسيت اقولك
الصورة جميله جدا
يسلم اختيارك وذوقك العالى
الصورة بتتكلم من غير صوت

Hanan Elshafey يقول...

ستار
دياما اول تعليق بقالك كام مره :)


سوداويه.. عارفه
شجن.. واكتر
منوراني ديما

Hanan Elshafey يقول...

الحب الجميل
مامتي الصغنونه :)
مبسوطه انها عجبتك بس مش هوريكي فيديوهات تاني علي فكره

Hanan Elshafey يقول...

الحب الجميل
شفتي بقي
انفع يعني :)

حرّة من البلاد..! يقول...

جميل وحزين ما أبدعته أناملك .
تقبلي مروري مع كل الود

أحمد الصعيدي يقول...

هنا مقبرة الذكريات


أو إن شئت


هنا درب شمس ٍ من سكات


أضي عمك قبل أن يقتلك

أسعدك الله

عمرو يسرى يقول...

جميله جدا بالرغم من ان الكلمات حزينه

أسمعنى شكراًً يقول...

جااااااااااااااامدة جدا

موجود فيها أحساس اليأس بسبب من ضاع

أنا حاسس فيهاوكأن الحب لعنة!

جايدا العزيزي يقول...

على فكرة يا حنان

خواطرك تروقنى جدا

وقد بلغتك اكثر من مرة

واتمنيت تزورينى

انا ايضا اكتب الخاطرة باحساسى

بس واضح انك مشغوله


ادخلى عندى الخواطر

تحت عنوان نزف قلمى اشعار

وقوليلى ايه رائيك


تحياتى

من كل بستان زهرة يقول...

حنان تسلم ايديك
رائعه
رجعتيلي ذكرياتي
الموقف ده انا مريت بيه
كأنك بتكتبي عني
وانا بقرأها حسيت ان قلبي وجعني
بس جميله جدا

أسعدك الله

mrmr يقول...

حزينه لكن جميله
سلمت يداكى
ربنا يسعد قلبك

غير معرف يقول...

إن البقاء
فقط
لله
..
تحياتي

aya abd elkarim يقول...

لازم يا حنان اكون أول تعليق ده انا ليا الشرف وبعدين أحنا عندنا كام حنان ده هى واحده بس D:

sweet angel يقول...

الله اسلوبك جميل اوي بجد

richardCatheart يقول...

جامده يا ينينو

انت شكلك تبع مدرسه البلاك شعرى
هههههههههههههههه

بس هايله تسلمى يا نينو

Hanan Elshafey يقول...

حرة من البلاد

أشكرك
وزادني فخارا مرورك


خالص ودي

Hanan Elshafey يقول...

أحمدالصعيدي

لا يا عزيزي
ستبقي مقبرة ذكريات سعيدة
شاهدها يفصح عمن فيها
لا ولن تنحال أبدا لأي درب
انها مقبرتي ومقبرته
لن يفرقنا وجود ولن تمنعنا حقيقة من الموت

دمت هنا
آمين ولك مثلها :)
ودي

Hanan Elshafey يقول...

عمرو يسري

اشكرك

ودي

Hanan Elshafey يقول...

اسمعني شكرا

عزيزي او عزيزتي
الحب .. صدقا .. لعنة

ودي

Hanan Elshafey يقول...

جايدا العزيزي
عزيزتي
لبيت دعوتك فعلا
واضفت مدونتك لقائمة المدونات التي اتابعها
ولكن اعذري تقصيري في التعليق تلك الايام لما امر به من مآزق صحية
واعدك باني ساكتب لكي قريبا

يشرفني ان من مثلك تطلب رايي في كتاباتها
صدقا تابعتك وقصرت في التعليق
فسامحيني
علي وعدي لكِ
ودي يا غاليتي

غير معرف يقول...

shagarellemoun@yahoo.com

sondok يقول...

جميلة جدا وبالذات الجزء ده

ومن لي بقلبي تحيا به الدقات ..
لازلت أشعره .. لازلت أسمع النبضات ..
تعاودني الوساوس ... لقد مات
حفرنا قبره بخناجر الذكريات..

أنتظر منك باقي ابداعاتك

همس الاحباب يقول...

استاذة حنان
ممكن افهم معنى تعليق حضرتك عندى ايه
اسف لانى مش عارف رقم حضرتك
لو ينفع تدينى ميسد كوول او كلمنى شكرا
وانا هتصل بحضرتك
افهم الموضوع ده لو امكن
تحياتى

حنين القلب يقول...

بجدميرسى اوى لذوقك

عاشقه الرومانسيه يقول...

ميرسى جدا لذوقك يا استاذة

كيكى عوووووو يقول...

ليه كده
كنت جايه اقولك فين بوست اللقاء
؟؟
مممممممممممممممممم
حزينه بس جميله
عووووووو

ツSmiLeY AnGeLツ يقول...

السلام عليكم
عارفة ان تعليقي متاخر
الصراحة كلام جميل وكلمات بسيطة رغم الحزن الي فيها
سلامي.

Haytham Alsayes يقول...

انا جي اسلم بس
وان شاء الله علي تواصل


تحياتي لمدونتك الجميلة

موناليزا يقول...

جميلة
جميلة
جميلة
حقيقى يا حنان احساس جميل وكلمات حلوة

"أبحث عن قبر مزعوم .. حاملة فأساً مسنونة..
أحتضن قبرك يا قلبي .. ينتشلوني .. بماء غسلك يغمروني..
أكتفن رحيلك يا عمري ..
وأدفن بجوار أمير مات .."
المقطع ده صعب قووووووووى
بس حلو فى نفس الوقت