الأحد، 31 يناير، 2010

مبررررررروك لمصر وخبر حلوو(خطبت ياجدعاااان) مع الاعتذار لعادل .. والباقي في البوست بقي



أولا وقبل كل شئ شكر خاااااااااص للبت حرووف صحبتي وأختي وبنتي الصغننة (خدي بالك مش أي حد بياخد اللقب ده) طبعا الشكر مش علي وقفتها جمبي طول الوقت اللي فات ولا عشان محاولاتها المستميته ( عربي بقي منا بحبه) انها تعرف تخرجني من الحاله الزباله اللي انا فيها ، لان ده طبعا واااااااااااجب عليها ولازم تعمله ولو معملوتوش هتتعلق (بغلس عليها بس طبعا هي مش محتاجه شكر مينفعش اشكر بنوتي ) بس الشكر اللي لازم يتقال عالنيولوك الجامد اللي عملتهولي في المدونه (الصور جاااااااااااااااامده)الذي وان دل علي شئ فهو يدل ل علي تعمقها الشديد في فهم شخصيتي المعقدة المستفزه وميولي السوداوية الغبيه (عربي برده اهو:) ) اصلا اصلا مكنتش عايزاها تعمل اي حاجه وكنت ناويه اقلبها سواااااااد تاااااااااني بس كتر خيرها غصبن عني عملتها (خدي بالك مش بسيب اي حد ياخدني عافيه كده ولا بسمع كلام حد اصلا بس نقولو ايه دخلتي قلبي وربعتي يابنت الايه) يلا بقي كل اللي نفسه يعمل نيولوك يروح يقولها بس ياخد معاد مني الاول عشان اعمله تخفيض عالفيزييييييييتا ، كتر خيرك يا بت ياحرووووووف ويارب تفضلي حروف كده علطول (اه مش عيزاكي تبقي كلمات ساعات الحروف مع وحدتها بتفرق كتير جربي كده ترتبي الحروف دي "ح ، ل ، م" ___ كده تبقي "حمل" ____ وكده ... بقت "حلم" ... أهو كتر خيرك من غير كتر كلام علي رأي انجي من الاخر :)














نيجي بقي لمتن البوست (اللي دارس علم الحديث هيفهمD: ) طبعا عباره عن تهيييييييييييييس وبس ، عمري ما كتبت كده عالمدونه بس فععععععععععععلا محتاجه تغيير عايزه بس اشكر كل الناس اللي وقفت جمبي قوي وما زالت الفتره اللي فاتت وعايزه اقولهم كلهم متزعلوش مني لو تعبت وماقولتش ( انا كده .. كل ما اتعب قوي كل ما اسكت وعرفش احكي اللي جوايا ) وكمان عايزه اقولهم متزعلوش لو قلت حاجه ولا عملت حاجه زعلت اي حد فيكم لاني برده عارفه نفسي ببقي غبيه جدا ومش باخد بالي من كلامي ( بس عارفه انه بيفهمني اللي بيحبني ومش بيزعل مني امال اسمنا قريبين ليه ) بس برده متزعلوش ، اهو طبع بقي ومبعرفش اغيره بس علي قد ما هو طبع وحش علي قد ما بيبينلي مين اللي بيحبني بجد وعاوز يكون جمبي بجد وبرده مش معني كده اني بزعل من اللي مبيقدرش ماهو مش مطلوب من حد يستحملني سواء قريب قوي قوي او غريب يعني معذورين متقلقوش ،














التهييييس بقي ............
















مصر كسبت ياااااااااااااااااااااجدعااااااااااااااااااااااااااان














وبالمناسبه السعيده دي احب اقولكم خبر سعيد جدا جدا جدددددددددددددددددددددا وافرح كل الناس اللي نفسها تفرح فيا (ماشي يا نهر الحب ;) )















انا خطببببببببببت يااااااااااجددددددددددددددعاااااااااااااان بقي هييييييييييييييييييييييييييييييييييييييييييييييه ( مع الاعتذار لعادل البلد دي فيها حكومه عن العنوووووووووووووووووووان اللي اخدته من عنوان السلسله بتاعته اللي مش عارفه مكملهاش ليه "امانه تكملها بقي المفروض كان في بنوته معاها زهرة بنفسج في الموضوع معرفش هيحصلها ايه عاوزه اعرررررررررررف" وسماح بقي في العنوان )














خطبت مين بقي وازاي ده سر مش هقولكم عليييييييييييييه














ولا اقولكم ....














هقول هقول اهو














هقووووووووووووووووووووووووول خلاااااااااااااااااااص














كفايه محايله بقي هقول اهو














طبعا بما اني اسكندرانيه روحا وقلبا وكل حاجه ، وبما ان اللعيييييييييب الكبير المحترم اللي زي القمر العسل ده (جدو) بيلعب في الاتحاد السكندري (مليش دعوه بلده ايه ) وبما انه وش السعد علينا ( هو الفريق كله يستاهل اخطبه الصراحه) فانا قررت واصررت واصدرت فرمااااااااااااااااااانا حنانيا ورياح حنينيا اني هخطبه ....اه هخطبه حد عنده مانع !!!!!!!!!!!!














كفايه انه كل ما ينزل ماتش يجيب جون .. كفايه كفايه انه كل ما يحتاجه المعلم (بفتح الميم وعربي برده واللي يتغاظ يتغاااااااااظ ) يعمل اللي عليه وزيااااااااده قوي ، يبقي يستاهل كل خييييييييير ولا لا .. .يستاهل طبععا وطبعا طبعا انا كل خييييييييييييييييييييييييير ، اي نعم ربنا يكون في عونه واي نعم مامته اكيد هتبقي داعيه عليه بس انا دورت علي حاجه خيييييييييييييير قوي ملقتش اخير مني الصراحه والواد مز ( بضم الميم ) وقمر واسكندراني بانتمائه الكروي (اه ملناش دعوه بالبلد اللي اتولد وعاش فيها ) خلاص هخطبه بقي ، وخلاص حوشت ميه وعشرين جنيه تمن الدبل (علي اساس اننا عايشين في سنه 90 لما كان تمن الدبل كده تقريبا) وجبت فستان عثل عثل والله وهروح يوم الخميس الجاي بعد مايرجع ويرتاح كده من الماتش ( ماهو تعب برده البووووووني ) (بوني دي المذكر من بنيه)














وهاجي اخده انكاجيه ( يعني حاطين ايدينا في ايدين بعض كده ) ونروح نتحنطر يوه قصدي نتمشوا عالبحر وناكل مانجه ونشرب دره يوووووووووه قصدي ناكل دره ونشرب مانجه وبرده نتحنطر ليييييييييه لاا يعني ، هو يطول يخرج معايا اصلا اصلا وبعدين افرجه عالفيديوهات اللي صصورتها قبل وبعد الماتش منا عملت حاجه مجنوووووووونه كالعاده يعني ، خدت بعضي قبل الماتش بشويه كده نزلت الشارع اشوف الناس بتعمل ايه معايا موبايل ي ( اي نعم مش حاجه قوي وصيني عقبال ما اغيره ياااااااااااااربب بس شغال يعني) وقعدت اصور العربيات وهي حاطه اعلام والناس والمحلات والبنات وهما راسمين الاعلام ولابسين الوان العلم حتي البنات المحجبه عاملين الطرح علم مصر اه والله والحاجه اللي مكنتش مستوعباها بقي لقيت بنت حاطه مانيكير علم مصر لدرجة اني سالتها عملت ازاااااااااااااي ، المهم الماتش ابتدي لأفاجأ ان مره واحده كده مفيييييييييييش ناس والناس راااااااااااااحوا فيييييييييييييييين معرفش والله صورت الشوارع وهي فاضيه ، والناس القليله حتي اللي موجوده بتجري عشان تلحق الماتش ، خلاص الشااااااااااااارع فضي تماما خفت علي نفسويتي بقي منا بنت قمر ومزه واللي يششوفني يتفتن بيا ( اه بقي انا حره اقول علي نفسي زي ما احب) فممكن بعيد الشر بعيد الشر اتخطف ولا حاجه سريييييييييييييعا دورت علي تاكسي .. مفيش تكوسه (جمع تاكسي بالاسكندراني ) خااااااالص ولا تاكسي واحد ولا مشرووووووووووووع واحد ( ميكروباص بالاسكندراني برده ) طب اعمل ايه اخدها مشي ؟؟؟ اخاااااااااااف برده ، قلت مننهاش بقي نركب العجل وناخدوها جررررررررررررري ، لجل اني طيبه بس وبنت حلال لقيت تاكسي ابن ح لال رايح عند بيتنا كمان ( شوفتو مش بقولكو الواد يستاهلني بجد بجد يعني ) ورحت شفت الماتش وطبعا طول الوقت علي اعصااااااااااااااااابي ، اتوترت وبظت خاااااااالص وزعيق وشخيط وببطن رجلك ( زي الاعلان بتاع العصبيييييييييييييين بيشجعوا مصر بتاع بيبسي ده باين ) قلت اهدي نفسي واروح اغسل وشي ولا حاجه ، ياااااااادوووووووووووب مشيت من هنا والجووون يجي من هناااااااااااا ، يااااااااااااااااااااالهوي ده انا هصدق اني فقر بجد ( البت فاطمه اختي الصغيره بتقولي كده قال ايييييييه قلت المحمدي بيلعل حلو انهرده راح مخبوط شويه وقلت الواد جمعه شغال بدماغه اييييييه انهرده اتخبط في دماااااااااغه ذنبي انا ؟؟؟؟!!!!!!!!) ومع ذلك قلت مش مهم ده ياااااااريتني مشيت من بدري وكسبنا واتنططنا وعملنا فررررررح وهوووووب يالا ياباااااااااااااابااااااااااااا عايزه اروح اشوف ماما ، اشمعني دلوقتي يا هبله ؟؟ هو كده ماما وحشتني ، يابنتي الشوارع زحمه وقلق خليكي لبكره ، وانا ابدا مليش دعوه يا تيجي معايا يا هنزل لوحدي ، وطبعا ابويا الللي مربيني وزهق وطهق مني تلاته وعشرين سنه عاااااارف اني لما بحط حاجه في دماغه فمش هسكت غير لما تتعم ( واحتمال حد دافعله فلوس عشان يهادوني ) قالي روحي البسي ، مكدبتش خبببببببببببببر روح لبست علم مصر كلللللللللله من اول الطرحه للشراب وا لله ، حتي الميكب عملته علم مصر ( اه والله عملت اي شادو علم مصر D : ) وخدته ونزلنا ومعايا الموبايل برده ، شارعنا فاااااااااااضي .. اتغاظت جدا نازله اشوف الناس ملاقيهومش :@ :@ :@:@:@ قوم اييييييييييه الناس فييييييييين ، اللي من عندنا هيعرف ... عالبحر يا جدعاااااااااااااااااااااان ،، بابا ,,, نطلعو عاللبحر ... لا ، يابا بالله عليك ... لا، وحياتي طيب .. ربنا ياخدك يا شييييييييييييخه لا برده ، قلت حرام الراجل تعبان ومريض وطول النهار بيلف عالمستشفيات ومعامل التحاليل عشان امي خلاص بلاها بحر طب ناخدوها مشي .. لا يا مجنونه وبعدين بمنطرك ده هتتعاكسي وهتخانق وانا مفياش نفس اتكلم ، :$ ليه كده يابا ؟؟؟؟؟؟؟؟ طب زي بعضه ، خدها مشروع ( عرفنا بقي يطلع ايه) عدينا علي شارع 45 ( برده اللي من عندنا هيعرفو) وببص .. يالهووووووووووي الشارع مقفول تماماااااااااا نااااااااس وعربيااااااااااااات وهيييييييييصه حلفت لازم اصوووووووورهم ورضي عم الحج ابوووووووووويا هيييييييييييييييييييييييييييييييييييييييييييييييييييييييييييييييييييييييييييييييييييييييييييييه وصورتهم من بعيد بس ومشينا ، بس كان اكتر حاجه نفسي فيها علم واطلع عالبحر واعد اصرخ واقووووووول ( مش بحبك طبعا :$) لا كنت هقول مصصصصصصصصصصصصصصصصصصصصصصصر هييييييييييييييييييه ،














مصر كسبت ياجدعااااااااااااااااااان ، طب والله كانت حاجه جميله بجد واحنا ماشيين الناس تبارك لبعضها كانه عييييييد كده ، ونحلم مع بعض ناخد كا س عالم ومش بس كده لا ونقولو عقبال حالنا ما يبقي احسن وبلدنا احسن واحسن ، بجد جو جميييييييييييييييييييييييل خرجني جزئيا ووقتيا من السواد اللي انا عايشاه ( ومش بمزاجي والله مع اني بحب النكد جدا بس المره دي جه من كل ناحيه فقل عليا قفله سوووووووووووووده) المهم بقي نسيت خطيبي كده .. عايزينه يزعل ، لما اروح اخطبه بقي هخادله الصور دي و البس تي شيرت عليه صورته وتحتيها بحبك (يامصر برررده) وطبعا طبعا كلكم معزوووووووومين والفرح هيبقي في الاستاد بتاعنا برررررده وكل واحد يجي يجيب معاه كوره صغننه كده هدية الفرح مش بنقبل هدايا غيركده احنا ،














شفتوا الواد العبيط بتاع غانا اللي كان قاعد في االاحتياطي وحاطط تيتينا في بقه ( التيتينا دي السكاته بتاعة الاطفال الصغننه) قال وعليها كوره ياسلام ياخويا عيل حضرتك والمذيع الغلس يقولك اصله بيضيع التوتر ده عيل .....














بيستهبل بس ،














ولا ساعة الجون الناااااااااااس كلها هيييييييييييييييييييييييه حتي القطر وهو معدي قعد يزمر تووووووووووت تووووووووووووت تووووووووووووووووووووووووووووووووووووووووووووووووووووووووووووت














بصراحه بصراحه حاجه تسعد كده وتفررررررررح انتماء والله باين في الكوره اه بس باين وقوي كمان مش اللي بيقولو ان احنا جيل مش حاسس بالبلد وقال ايه محتاج حررررررررررب عشان يحس بانتماء للبلد طب ده ماتش وجمعنا كده زيه زي خوفنا عالبلد وزي حرصنا انها تبقي احسن اه لسه بنبتدي بس شويه وهتشوفوا الجيل ده هيعمل ايه بجد ، يعني ايه اللي يجمعنا كده لو مبنحبهااااااااااش ؟؟؟!!!!!!














ومش جيل تافه برده زي ما بيتقال تعرفو لو قامت حرب بقي (بعيد الشر) هتلاقونا اجمد واقوي من اي جيل عدي ، قربوا من دماغنا هتفهموا ده وتشوفوه قال حرب قاااااااااااال














ايه اللي وداني للحرب ؟؟؟؟؟؟؟؟؟ فين خطييييييييييبي فين














جدوووووووووو جدووووووووووو هيه هيه














مصر مصر مصر مصر














مبرووووووووووووووووووووووووووووووووووووووووك لمصر














هيييييييييييييييييييييييييييييييييييييييييييييييييييييييييييييه














كسبنا كسبنا كسبنا كسبنااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا














مبروك ليكي يا مامتي الكبيره ويااااااااااااااااااااااارب تفضلي ديما منصوره وتعلي لحد ما تعدي السحاب كمان ويحميكي ياماما ياااااااااااااااااارب ويشي مامتي الصغيره ياااااااااااااااااااااااااارب














يلا اهم كلمتين بس بس بسسسسسسسسسسسسسس اهم قلت افرحكم وافرح واهرج من الهبل اللي انا فيه شويه ( بس راجعه تاني يعني ) والبوست اللي فات بتاع القرعاء قصدي (صلعاء) لسه شغال ده ملحقش يتنشر يعني














والله كتر خير اللي قرأ ووصل للاخر كده





























سلاااااااااااام مصرررررررررررررررري














وبحبك بحبك بحبك قووووووووووووووي (يامصر طبعا)

هناك 33 تعليقًا:

adel يقول...

مبرووك لمصر دايما يارب

ومفيش اي مشاكل علي اسم البوست يعني
هو مش اختراع

حنان الشافعي يقول...

الله يبارك فيك يا عدوووووول
وميرسي عالعنوان بس كان لازم اقولك برده

reem يقول...

ايه الجمال ده بس يا قمر
ثم هو يطول يا جميل بس بنت قمر كده تخطبه!!!
الف الف مبروك لمصر - ده احنا جدعان اوى يا بنتى-
وبالنسبة للنيولوك ..فهو جامد جدا جدا بصراحة ...وبافكر جديا انى احجز
تسلم ايدين حررروف وربنا يديم المعزة والود بينكم يا قمر
ومايجيبش ليكى ولا لاى حد عزيز عليكى او على اى حد منا مكروه يارب
ومبرووووووك لمصر
وتى تراتاتى تراتاتى مصر

إبتسامة ملاك يقول...

ههههههههههههههههههههههه

مبروك اللوك ياقمر
الف مبروك

إبتسامة ملاك يقول...

ومبروك عليك الخطوبه ياجدو

انت هتلاقى احسن من حنان

لولولولولولولوى
مليوووووووووووووووووون مبروك

إبتسامة ملاك يقول...

ربنا يكتر افراحنا
وربنا يديكم عليكى الود مع اصدقائك يارب
وانا مبسوطه انك صحبتى وحبيبتى
ربنا يخليكى ليا يارب

إبتسامة ملاك يقول...

ربنا يكتر افراحنا
وربنا يديكم عليكى الود مع اصدقائك يارب
وانا مبسوطه انك صحبتى وحبيبتى
ربنا يخليكى ليا يارب

حرروف يقول...

خضتيني يا شيخة قلت البت مكلماها امتي دة ههههههه

مبروك يا ختي ميغلاش عليكي بس انا بصراحة كان نفسي فيه

بس بعد مشفت ممتة الست الجميلة دية وهي بتتكلم قالت حتجوزة اربعه والعرايس كتير فممكن بقااا نبقا ضرارير هههههههه

الحمد لله انه عجبك
فرحتيني يا بنتي هههههههه

اة انا كنت متعمدة اعمله حسب منا شيفاكي

الحضري سد منيع
وانتي باب شايلة وراة بلاوي ههههههههههه
وقافلة عليه يلا كفاية تسييح بقا حقوللك بيني وبينك

:)

شيماء زايد يقول...

لاسعه لاسعه يعني صراحه

كتر خيره خالوا والله بيشوف منكم كتير ولابسه له علم مصر يا غاليه

بعدين تعالي هنا ، جدو بححرااااااااااوي وبلاش نقطع علي بعض وانتي فاهماني بقي

فرحانه اوي انك غيرتي الموود
الصراحه بقي عندي قناعه اني مبقتش انفع اي حد ولا بقيت بعرف اطلع حد من ازمه
يعني تقدري تقولي كده بقي عندي عجز اجتماعي

بس كتر خيره جدو بقي هو عمل اللي مقدرتش اعمله

عامة حلال عليكي يا ستي ، ما هو برضه خالوا بحرواي

:) علي فكرة كتبتلكح تعليق علي صلعاء
التعليق كان " لا تعليق " بعدين قلت امسحه احسن
واهو كتر خير جدو مسحه واوعي تخطبيه من ورايا :)

بدراوى يقول...

حلوة الإشتغالة الجامدة ديه
هههههههههههههههههههههههههههه
بس ديه مش انتى
حاسس ان خرجتى من حالة الضيق لحالة تهييس
انتى حنان الشافعى و لا غيروكى

اصلك بتكتبى فصحى دايماً
و بحسك هادئة حتى فى تعبيراتك و احتفالك

تهييس جامد

بعد البوست اللى فات اللى من اجمل البوستات اللى قريتها

كنت عاوزى تقفلى المدونة ليه
!!!!

المهم بركة انك بخير
و ربنا يهنى جدو بتيتا
هههههههههههههههههههههههه
:-)

blue-wave يقول...

هههههههههههههههههههه
الف مليون مبروووك لمصر
ومبروك عليكى جدو:))

حزينه يقول...

مبرووووك لمصر

ومبرووووك لو جدو وافق على الخطوبه يا قمر



حزينه

واحد من الناس يقول...

ههههههههههههههه


بوست رائع بجد

وعلى فكره لو ناويه على جدو يادوب تلحقي

نص بنات مصر عاوزين يخطبوه زيك

والنص التاني مخطوبين وبيفكروا يفشكلوا عشان يخطبوه برضه


وبجد هو يستاهل (كل خير طبعا مش كل البنات ، والا إحنا نعمل ‘يه نستورد عرايس صيني)

كمان مره بوست رائع ، وروحه حلوه أوي

تحياتي

اعشق فى الليل ضوء القمر يقول...

مبروك لمصر الفوز
ومبروك ليكى حلو دور انك عايشه دور انك مصر ومتقولش اخدنا ايه من مصر قول هتديى ايه لمصر وطبعا انت اخدتى جدو

افتكرت اعتذار عادل سيبتيه و أخدتى غيره قلت بس البنت هتورينا اللى مش عارفينه طلع اسم بوست مع انى عارف انكم اخوات

بس بوست جامد يا حنان شربت المقلب
يلا عقبال لما نفرح بيكى بجد

نسمع احلى سلام و امواج البحار لشباب الاسكندريه الجدعان و احلى زغروته لأحلى بنوته فى عروس البحر الأبيض اللى دفئ البحر من جمال كلماتها وسمعنى سلام تحيا مصر

rovy يقول...

مبرووووووووك لمصر و ياارب دايما فرحانيين ياااارب ..

تحياتى لكى

شيماء جمال(شيمو القمر) يقول...

مبرووووووووووووك لمصرومبروووووووووووك لينا كلنا

ومبروووووووووك على الخطوبة هو هيلاقى زيك فين هههههههههههههه

وحشانى جدا

تحياتى لك
شيمو القمر

نهــــــــــار يقول...

السلام عليكم...
ألف مبرووك لمصر ....
بس بجد أسلوبك المره دي مختلف جدا جدا يا حنونه ...
يارب يديم عليكِ السعاده يارب ..
وتكون مامتك أحسن دالوقت ...
.......
وخلاص حجي معاكي أخطبلك يا عسل ...
وأهو على قولة المثل أخطب لبنتك ولا تخطبش لإبنك..
...
في أمان الله

حنان الشافعي يقول...

j

حنان الشافعي يقول...

reem

مش كده برده يا ريم ولا هو يطول ولا انا اطول الصراحه ههههههههه
ومبرووووووووووك لمصر

عجبك بجد البركه في البنوته حروووف احجزلك عندها ؟؟؟ هعملك تخفيض عشان من طرفي
ياااااااااارب تسلملي وندووووم بس مش بتاع العصير هههههههههه

ياااااااارب ويحميكي يا قمر انتي
وتي تراتا تي تراتا تي تراتا
مصرررررررررررررر

حنان الشافعي يقول...

ابتسامة ملاك

الله يباااااااااااارك فيكي

حنان الشافعي يقول...

ابتسامة ملاك

الله يبارك فييييييييكي عقبالك يا انوس اسالك جدو حد من اصحابه فاضي هههههههههههههههههههههههههه

لولولولولولولولوووووووووووووليييي

حنان الشافعي يقول...

ابتسامة ملاك

ييااااارب يارب يااااااارب

وانتي كمان احلي صحابي وقمر وب حبك وبموت فيكي كمان وهموووووت واشوفك
ويخليكي ليا يا رب ولا يحرمني منك ابداااااااااااا

حنان الشافعي يقول...

حرووووووووف
هيه هيه احسن احسن
انتي اتخضيتي ومدينه واعشق وكذا حد كمان هههههههههههه
هييييييييييه خضتكوا ومدينه تقولي اوعي يكون الدكتور بتاع مااااااامتك هههههههههههههههههههههه
وبعدين لو نفسك فيه الفه وابعته ده انتي بنتي يا بنتي علي رأي صلاح عبد الله في فيلم كلاشينكوف
ههههههههههههههههههههههه
اربعه وضراااااااير
لا انتي بنتي
ضرتي ... هدبحك ايا كان بقي

واه عجبني اللوك يا بنت الايه عادة مش بيعجبني العجب بس نقول ايييييييه
شكلك فاااااااااهم يا نصه
وقولي ياختي وسيحي ولا يهمك
ماشي بيني وبينك ده انا شايله بلاوي

حنان الشافعي يقول...

شيماء زايد

شيمووووووووو مزتي
اه لاسعه شفتي بقي

وبلاش كتر خيره دي ما انتي عارفه البير وغطاه واهو كتر .... خيره برده
جينا للنقص بقي بحراوي مولدا انا مالي انا ليا انتمائه الكروي اتحاداوي بقي مليش فيه ونقطع ليه انا هسالهولك لو حد من اصحابه فاضي اباصيهولك ههههههههه جامده دي

وبالنسبه للمود فهو هو متخافيش بس متنكر
وبعدين هو انت يا بنتي كنت حاولتي عشان تفشلي متعيشيش الدور يا امي انتي ربنا يكون في عونك وبعدين متنسيش انك حاولتي مره ونجحتي ديتها بس انك مشغوله الايام دي وبعدين انا اللي قلقانه عليكي الايام دي وانتي عارفه احساسي بيكي عامل ازاي فوقي كده واوعي تتحولي
فهماني طبعا

علي فكرة كتبتلكح تعليق علي صلعاء
التعليق كان " لا تعليق " بعدين قلت امسحه احسن
ايه حكاية لا تعليق دي هو انتي وعادل قلتي كده اشمعني يعني تصدقي غيظتيني وهخليكي تعلقي غصب عنك :@:@

وبالنسبه لجدو ...
ياستي خلاص كرهته يخربيت دي خطوبه اللي مبصوصلي فيها هههههههههههه
وحشاني قوووووي علي فكره

حنان الشافعي يقول...

بدراوي

ايه رأيك بقي في الاشتغالات
خرجت من حفره لدوووحديرة هههههههههه
لا مش انا انا اتحولت هههههههه
واهو من نفسي بقي اتحول

عجبك بجد البوست اللي فات ؟؟
مع انه نكد وكئيييييييب
يلا كويس انه عجبك
انا بقفلها وبفتحها كتير الصراحه يظهر مرض ولا ايه حاجه كده زي انفلونزا الخنازير بس دي مدونات

اااااااارب يهني يااارب

حنان الشافعي يقول...

blue-wave
الله يبارك فيك يا دكتور معزوم عالخطوبه اوعي متجيش

حنان الشافعي يقول...

حزينه
مبرووووووك لمصر

وهيوافق اكييييييييييد


هو يطول يابنتي

شرفني مرورك

حنان الشافعي يقول...

واحد من الناس

شفت بقي
ده في ناس كانوا فاهمين اني هفركش مع عادل عشان اخطبه اصلا هههههههه

وبجد هو يستاهل (كل خير طبعا مش كل البنات ، والا إحنا نعمل ‘يه نستورد عرايس صيني)
لا هو يستاهلني انا بس اي واحده تانيه هتفكر تقربله هعملها طرد هههههههه
ومالها العرايس الصيني ماهي حلوه ومبتاكلش كتير ههههههههههههه
مبسوطه انه عجبك قوي وسعيده باول مرور ليك

تحياتي

حنان الشافعي يقول...

اعشق في الليل ضوء القمر

اه عايشه الدور في مانع
لا انا هدي لمصر امال انا وهبت لجدو نفسي لييييييييه
افتكرت اعتذار عادل سيبتيه و أخدتى غيره قلت بس البنت هتورينا اللى مش عارفينه طلع اسم بوست مع انى عارف انكم اخوات

لا معلش بقي هو اللي تكلبش في عادل تسيبه اصلا ولا لجدو ولا لغيره اونت بقي بعتذر لعادل وهاخد جدو وياشماته ابله ظاظا فييييه
لااااااااااااا لأااااااااا خالص
طب هو يرضي بس كده وانا ما هصدق اساسا هو انا اطووووووول
واحنا اخوات واصحاب وقرايب كمااااان
وكل حاجه حلوه كماااااان

بس بوست جامد يا حنان شربت المقلب
اكتر حاجه عجباني وبسطاني الناس اللي شربت المقلب دي

سلاااااااااام اسكندراااااااااني

حنان الشافعي يقول...

rovy

بجد بجد بجد ليكي وحشه قووووي

ياااااااااااااارب

تحياتي لمرورك الجميييييييييل

حنان الشافعي يقول...

شيماء جمال (ِيمو القمر)

وحشااااااااااااني قوي
تصدقي بالله علي بالي بقالك كام يوم عماله اقول من يوم ما كنا مع بعض وهي اختفت ولا تليفون حتي
علي فكره كلمتك مره ومش رديتي

مبروووووووووووووووووووووووك لمصر ياقمر
والله يبارك فيكي عالخطوبه
طبعا ميلاقيش هو انا شويه ولا ايييييه
هههههههههههه

حنان الشافعي يقول...

نهار
وعليكم السلام

اهلا باحلي شمس بتددفي رياحي
وحشتيني جدا علي فكره وليا عندك طلب
عاوزه ايمليلك ضروووووووري

اه اسلويبي مختلف جدا تصدقي كنت مكسوفه جدا ومكنتش هنشره وبعد ما نشرت كنت هحذفه بس حد قالي طالما كاتبه اللي في نفسك سيبيه استحاله تعجبي الكل
بس الحمد لله عجب اهو واهو تغيير بقي

يااااااارب ويسعدك يا اجمل نهار
وماما الحمدلله احسن كتير دلوقتي ومتشكره ليكي قوي دعواتك وقلقك بج دحسيتك زي م ا تكوني جمبي واكتر
وهستناكي اكيد عالاقل مروحش لوحدي يقولولي جايه ليه من غير اهلك واقولهم اصل العيله مش موافقه والافلام العربي دي ههههههههههههههه

وحشاني كتييييييييييييير
يارب تكوني بخير ديما

ودي وحبي

حنان الشافعي يقول...

H