الثلاثاء، 24 سبتمبر 2013

سافر راح ترك هجر

ندى هتسافر فرنسا 3 سنين..
مش هشوفها ولا هسمع صوتها تاني
حاولت أقنعها متزعلش وإن ده حلمها اللي بتسعاله من زمان.. ومعرفتش
كل مدى الحبايب بيروحوا.
بيختفوا
الحلوين بالذات بيروحوا يا لبنى.. هتروحي امتى أنتِ كمان؟
فاكرة اسكندرية وإنجي واللي صار
الفراق واحد بس ليه مليون سكة..
بيني وبين نفسي عارفة إن ده أحسن عشانها.. بس بيني وبين نفسي برضه بتمنى متسافرش
أنانية شوية.. ندى هي اللي بتجمع ناس اسكندرية يا لولي
الشجن المرة دي مختلف شوية.. جاي في ظروف خسرت فيها ناس قريبة بطريقة سخيفة للغاية
ووراهم ندى بالسفر..
بنقول هنبقى سوا بس مبنبقاش
ومش بنعرف نتقبل ده
كل حاجة هتضيع
ناس وونس ورفقة وحكاوي وضحك وأحضان ودموع وأزمات
كل ده ضاع خلاص يا لبنى!
هفضل باصة لمين طول مانا قاعدة؟ 
هنزل اسكندرية ألاقيهم كلهم وهي قبلهم ولا كل واحد هيروح في حتة؟
أيلول كان شهر نزوحي للقاهرة
مهاجرة وتاركة ومغصوبة ومبسوطة ولوحدي
ندى هتبقى لوحدها.. برضه في أيلول.. كان نفس اليوم 
خلي بالك منها يا رب
خلي بالك مننا يا رب

هناك تعليقان (2):

جارة القمر يقول...

انتي عارفة ان مدونتك دي خلتني اعيط
انا خواتي ماشفتهمش من فترة طويلة وماحضرتش فرحهم وحشوني اوي
اما انا عايشة ببلد تانية بعيدة عن اهلي وعن كل اللي بيحبوني شفتي حتى وانا بكتبلك عيطت

Lobna Ahmed Nour يقول...

:\