الثلاثاء، 13 أكتوبر 2009

نفس مهترئه


"هي وقلمها واوراقها،تنظم شعرا أو تنسج خيوط قصة رائعه ،

تقطر كلماتها رقة وتزهر أحرفها رومانسية حالمه،

عوالم جميله ترسمها،

ملك عظيم وفارس مدرع ،

اميرة جميله ، او صورا تنبض بالالوان ، فراشات خاطفة القلوب ،

وزهرات باعثة العبير،

ثم تضع الاوراق وكل الاقلام،

وتغلق عينيها ،
تبحث بين تلافيف خيالها عن كتف للزمان تضع رأسها عليه ،
لتروي انهاره الجافة من عينيها دموعاً،
ولن يفاجأ بأنها بارده؟" .

هناك 56 تعليقًا:

adel يقول...

اول تحليق

فوووووووووووووووووووووووووو

adel يقول...

بصي الصراحة حاسسها ناقصة

بس يمكن ده يديها طعم مختلف

بس الحياة في القصص ملهاش علاقة بالواقع

Hanan Elshafey يقول...

adel

يامراحب يامراحب بالمحلق الاول

Hanan Elshafey يقول...

adel

هي فعلا ناقصه مينفعش تكمل ما هي نفس مهترئه بقي
الواقع غير القصص لكن في ارتباط وثيق بينهم الفارس في القصه ممكن يكون موجود في الواقع بس بشكل مختلف
في الاخر الكاتب تصويره وتشبيهاته نفسها غير الواقع

اعشق فى الليل ضوء القمر يقول...

عجبنى اسلوب القصصى ده
جدا
فكرة انك تكتبى قصه عن لسان كاتبه قصه عجبنى جدا جدا
وخصوصا وهى عاوزه تكتب ايه عن الملك ولا تكتب عنالاميرة ولا ولا ولا ولا
مفردات الكلمات كمان
تغمض عينيها بين تلافيف خيالها قويه جدا يا حنان
استعاره ان الزمان شخص يمكن الأعتماد عليه كلنا مثلها لكننا لم نعقل فى يوم قط أن الزمان لا يمكن الأتكاء عليه لما يحتويه و يخبيه فى طى أوقاته مثلما حذث معها بالظبط
برافو عليكى يا حنان شدتنى جدا
تقبلى إحترامى و مودتى

Hanan Elshafey يقول...

اعشق في الليل ضوء القمر
مرور كريم حقا من اخ كريم حقا
فكرة انك تكتبى قصه عن لسان كاتبه قصه عجبنى جدا جدا
الحقيقه ان الفكره دي مش جديده مش فكرتي يعني للامانه فقط
والزمان حقا يمكن الاتكاء عليه ليس بالمعني الحرفي قطعا

اكثر ما اسعدني اهتمامك بتفسير جوانب القصه ومدلولاتها

خالص تحياتي

اسماء واحلام فى وجدانى يقول...

كيف وصلتى الى تلافيف خيالك
كنت اتوقع ان الخيال صديق ياتى ويذهب دون الاقتراب منه لانه لايسمح لاحد بالاقتراب منه فهو خيال حر دوما طليق فى كل مكان وزمان ولكن عندما اشعر ان احد الى تلافيفه فهذا احساس مشتعل يجعل الخيال نفسه يعجز عن وجود مفردات للتعبير عما بداخلك

Hanan Elshafey يقول...

اسماء واحلام في وجداني
كيف وصلتى الى تلافيف خيالك

امكانيات بقي :)
كنت اتوقع ان الخيال صديق ياتى ويذهب دون الاقتراب منه لانه لايسمح لاحد بالاقتراب منه فهو خيال حر دوما طليق فى كل مكان وزمان
حقا هكذا الخيال كفرس جامح يزورك في احلامك يختال ويتبختر يستفز حفيظتك لتذهب اليه وتأسره فيهرب مبتعدا الي اعالي المرتفعات
عندما يأتي
لا يأتي الا طوعا

تحياتي

Unknown يقول...

وتغلق عينيها ،تبحث بين تلافيف خيالها عن كتف للزمان تضع رأسها عليه ،لتروي انهاره الجافة من عينيها دموعاً، ولن يفاجأ بأنها بارده؟" .
في نهايه السطر علامه(؟) أستفهام ...
بينما لو كانت علامه تعجب (!) لفهمت شيئاً آخر . أي علامه هي ؟

romansy يقول...

دائما نبحث عن الامل فى خيالنا عن الحب الذى نحتاجه دائما عن الاشياء التى نفتقدها فى الواقع ونجدها فى خيالنا
فكلما اقترب الخيال من ما نتمناه نجد تلك النفس المهترنه

♥نبع الغرام♥♪≈ يقول...

حنونه

وحشتينى ا روحى اخبارك ايه
بجد مبسوطه قووووووووووى انى سمعت صوتك واطمنت عليكى ربنا يديم الود بينا
امين يارب العالمين

بجد خيال فوق الوصف وكلمات روعه
تسلم ايديكى يا حبيبتى
مودتى
ايناس

Diyaa' يقول...

بذرة قصة في رأيي :)
بس الأول أشكرك لضيافتك لينا في النادي وتعبك مع الناس :)
ومين يكره يا ستي تبقي بطلة في أي لعبة تحبيها

بخصوص التدوينة بقي
التشبيه الأخير عجبني أوي
لو اديتي للكتابة وقت أطول أعتقد هتستمتعي وتمتعي أكتر
لكن المعني وصل برضه وهو ده المهم :P

وفي رأيي إن الزمان لا يمكن الإتكاء عليه
لأن الإتكاء بيكون علي ما هو ثابت
وأتحدي أي إنسان علي وجه البسيطة إنه يثبت عكس حقيقة إن الزمن متقلب كموج البحر إن لم يكن أكثر قليلاً :)

شيماء زايد يقول...

عزيزتي حنان

خبري بطلت قصتك ان الزمان بلا كتف ، ولكن دعائما دائما ما تكون داخلنا

حبيبتي علامة الاستفهام تحمل سؤال لم يسأل داخل القصه

علي كل ، القصه عايزه شويه ضمير علشان تكتمل وأعني فنيا طبعا :)

Hanan Elshafey يقول...

فركشاوي ..ناوي

الحقيقه انها علامة تعجب وضعتها استفهاما سهوا

اشكرك لتنبيهي

Hanan Elshafey يقول...

romansy

وكم لك من الف حق اخي الكريم في عوالم خيالنا نطبب انفسنا الجريحه بحكايا عن الحب والمثالية والسلام بينما في الحقيقة هذا ظننا وانفسنا لا تزال جرحة تدمي حتي تهترئ

خالص تحياتي

Hanan Elshafey يقول...

عاشقة الاحزان
انووووووووس
انتي وحشتيني اكتر واكتر
وبجد انبسطت لما سمعت صوتك
كان نفسي اشوفك جدا وكان نفسي اكتر تكوني معانا
واميييييييييين يا انوس يديم بينا كل الود وكل الحب
متشكره علي كلماتك الرقيقه يا جميله

دمتِ في حفظ الله

Hanan Elshafey يقول...

diyaa
بذرة قصة في رأيي
طبعا احترم رايك جدا وبالفعل ده رايي فيها "ناقصه"
واشكرك بشده علي الحياد والصدق
مبحبش اللي يقولي حلو وجميل ورائع وخلاص
والعفو علي ايه الشكر
انا فعلا معملتش حاجه تذكر
يارب ان شاء الله كل الالعاب زي ما قلت :)


لو اديتي للكتابة وقت أطول أعتقد هتستمتعي وتمتعي أكتر
لكن المعني وصل برضه وهو ده المهم :P
ماشي ماشي
والله هي طلعت كده باحساسها كله مخبتش حته يعني ولا حاجه وعموما لو اديت وققت اطول من كده للكتابه اعتقد اني مش هلاقي وقت اعيش بقي :)

وفي رأيي إن الزمان لا يمكن الإتكاء عليه
فعلا
لكن في حالة البطله هي شايفه انه يمكن الاتكاء عليها
اعتقد انه من وجهة نظرها اسقاط الزمن علي الدهر اللي هو ربنا طبعا وهو الوحيد من يمكن الاتكاء والتوكل عليه :)
اما الزمان المقصود به حوادث الدهر فبالطبع متقلب وحتي ان وجد له كتف فالفطن من لا يتكئ عليه

سعدت جدا بمرورك وتعليقك وسعدت اكتر برؤيتك في اللقاء
خالص ودي

Hanan Elshafey يقول...

شيماء زايد
حبيبتي الغاليه

سأخبرها قطعا

علامة الاستفاهم خطا والله وهصححه اهون

هي فعلا القصه ناقصه
اوعدك احاول معاها مره تانيه

أحمد الصعيدي يقول...

وربما تكون دافئة قدر شوقها للحب

تلك دموع هاميات تزيد وجه صاحبها جمالا فلتبقي ولكن في وجود النصف الاخر

إحساس أكثر من رائع
سعيد جدا لمرورك
وأتمني ألا يكون الاخير

أحمد الصعيدي

>>> يقول...

السلام عليكم

عجبتني أوي المدونة بتاعتك في تصميمها وبساطتها

وأسلوبك في التعبير عن نفسك كويس أوي

بس أنا رأيي إنّ أقرب للخاطرة من القصة القصيرة

كمان العنوان عجبني أوي ((نفس مهترئة))

فكرني بعنوان المدونة بتاعتي ((أشلاء روح))

تحياتي لقلمك الرشيق

ودمتِ مبدعة

بَرَاء

ريمان يقول...

السلام عليكم



ده حال كتير من الاميرات

شيماء جمال(شيمو القمر) يقول...

بجد خطيرة
كلماتك وتشبيهاتك جميلة جدا
ورغم قلة الكلام الا ان المعانى فياضة

احييك على ما خط قلمك
تحياتى
شيمو القمر

غير معرف يقول...

احم احم

دستور ياللى هنا

انا اول زياره وبجد بهرتنى اوى القصه دى

خيالك مميز وبيحمل اسلوب قصصى راااااااائع

تسلم ايدك

حنين

king_somya يقول...

فكرة رائعة واحساس فياض بالمشاعر والاحاسيس الرومانسية الجميلة
دام لنا قلمك المبدع

مـجـنـووون يقول...

كلمات جميلة وأحساس جميل

مش كل الأحلام لازم تبقي حقيقة

بس لو في صبر وتماسك كل حاجه تتحقق

وفي ناس تستاهل وفي ناس متستهلش

بس الأول نشوف الناس ونعرف ايه السبب في بعدهم وفي جفاهم وبعد كده نحكم عليهم

علي فكرة انا لسه قراي التعليق علي الموضوع السابق الحين

ومش عارف انتي بتشدي معاايا في الكلام علي طول مكنش انا قاتلت وأحد من عليتكم
ههههههههههههههههههههه

تقبلي مروري المتواضع بمدونتك الرائعه
مجنووون

(green eyes) يقول...

جميل ما سطرتي من كلمات
وجميل ما نسج الخيال من احلام

تقبلي مروري

Hanan Elshafey يقول...

أحمد الصعيدي
تلك دموع هاميات تزيد وجه صاحبها جمالا فلتبقي ولكن في وجود النصف الاخر

يمكن
اشكرك علي رايك ومرور كريم وباذن الله لن تكون الاخيره وكذلك لا تجعلها اانت

تحياتي

صوت من مصر يقول...

ياله من تفائل

Hanan Elshafey يقول...

براء

وعليكم السلام ورحمة الله وبركاته

سعيده ان المدونه عجبتك طبعا
بس أنا رأيي إنّ أقرب للخاطرة من القصة القصيرة
هي فعلا تلقصه ناقصه وده رايي وراي اكتر من مدون انا بحترمهم جميعا


كمان العنوان عجبني أوي ((نفس مهترئة))

فكرني بعنوان المدونة بتاعتي ((أشلاء روح))

في كل منا جانب يحتاج ادراك

تحياتي لقلمك الرشيق

ودمتِ مبدعة
وتحياتي لك
ودمت بكل خير

Hanan Elshafey يقول...

ريمان

وعليكم السلام ورحمة الله وبركاته

سعيده بمرورك
وقد يكون


تحياتي

Hanan Elshafey يقول...

شيماء جمال(شيمو القمر)


اشكرك علي رايك ووحشتيني يا هرابه فينك من زماااااااان

احييك علي زيارتك يا قمر

حبي

Hanan Elshafey يقول...

7NEEN


يا هلا يا هلا
ادخلي علطول ولا دستور ولا قوانين
اول زياره وان شاءا لله مش الاخيره
مبسوطه انها عجبتك

تحياتي

adel يقول...

النيولوك رائع :):)

البروفيسير يقول...

السلام عليكم
تحياتى مدوه رائعه
وكلمات اكثر من رائعه
دى اول مره بس ان شاء الله يستمر التواصل
احمد

مدينـة من النسـاء يقول...

عميقه
نقيه
بشفافية روحيه
فقط ظلمتيها بمسمى
قصة قصيره
لأنها أبدع من ذلك
هي نثرية حقا رائعه

البروفيسير يقول...

السلام عليكم مدونتك اكثر من رائعه
وكلماتك اروع
تحياتى
احمد
ان شاء الله يستمر التواصل بيننا

عاشقه الرومانسيه يقول...

قصتك دى دنيا كااااااامله باتمنى اعيش فيها
رغم قصرها لكن فيها معانى كتير جميله
تسلم ايدك

ذكرى رحيل قلم يقول...

السلام عليكم

جميل احساسك
تحياتي

تقبلي مروري

نورينا يقول...

اسلوبك ووصفك جميل وراقي جدا

تبحث بين تلافيف خيالها عن كتف للزمان تضع رأسها عليه ،
لتروي انهاره الجافة من عينيها دموعاً،

احساسك عالي اوي وتعبيرك رومانسي جدا

دمتي في تالق دائما

Hanan Elshafey يقول...

king_somya

اشكرك وادم لي مرورك الكريم

تحياتي

Hanan Elshafey يقول...

مجنووون

اولا اشكرك علي رايك

ثانيا بقي
علي فكرة انا لسه قراي التعليق علي الموضوع السابق الحين

ومش عارف انتي بتشدي معاايا في الكلام علي طول مكنش انا قاتلت وأحد من عليتكم
مش شد ولاحاجه ده نقاش عادي جدا وبعدين لو كنت قتلت حد من عيلتنا كان زمانك لسه عايش اشد معاك
ههههههههههههههه


تقبلي مروري المتواضع بمدونتك الرائعه
مرورك دوما اكثر من رائع بمدونتي المتواضعه

خالص احترامي وتقديري

Hanan Elshafey يقول...

(green eyes)

تحياتي ومرور كريم

Hanan Elshafey يقول...

صوت من مصر

لا توجد هنا ذرة تفاؤل

Hanan Elshafey يقول...

adel


شفت :)
وازرق كمان
:) :)

Hanan Elshafey يقول...

البروفيسير

وعليكم السلام ورحمة الله وبركاته
مبسوطه انها عجبتك
وان شاء الله دام التواصل

تحياتي

Hanan Elshafey يقول...

عاشقة الرومانسيه

دي دنيا حلوه
بس في الخيال وبس
مبسوطه انها عجبتك وفهمتيها
تسلميلي يا قمرايه

عاشق الجنة من الإخوان صلى على النبى يقول...

بصراحة كلمات جميلة
وانا اول مرة ازور مدونتك بس بصراحة جميلة جداً
ومش أخر مرة إن شاء الله
ويبقي الود والتواصل
صلي علي النبي

Soul.o0o.Whisper يقول...

ان ان اااااااااااااان

ماحنا كنا ماشيين حلو يا حنووووون

ليه بئا باردة؟؟؟



هى ليه نغمض عنيها و تخرج من جو جميل هى كانت بترسمه و تعبر عنه

و أمنيات جميلة عايشة فيها؟؟؟


ليه تخرج من دا ؟؟؟

طب تبكى و قلنا ماشى ،
يمكن عشان هى مشتاقة لتحقيق الامانى دى



إنما باردة؟؟؟

كدا المسألة بئت صعبة خالص



خليكى فى الرسم لعل و عسى يتحول الرسم حقيقة :)



دمتى بكل الود

Hanan Elshafey يقول...

ذكري رحيل قلم
وعليكم السلام ورحمة الله وبركاته


اشكرك
ومرور كريم

Hanan Elshafey يقول...

نورينا


اشكرك وتشرفت بمرورك

تحياتي

Hanan Elshafey يقول...

عاشق الجنه من الاخوان صلي عالنبي

اشكرك وسعيده انا عجبتك

ولك خالص احترامي ودام التواصل
باذن الله
عليه افضل الصلاة واكرم السلام

Hanan Elshafey يقول...

مدينه من النساء

فقط ظلمتيها بمسمى
قصة قصيره
اعتقد اني ظلمت المسمي فهي لم ترق للقصه

دامت حروفك مطر خير ينهمر ليروي ظمأ رياحي

حبي

Hanan Elshafey يقول...

سوووووووووول الحبيبه

وحشتيني قبل كل حاجه

هى ليه نغمض عنيها و تخرج من جو جميل هى كانت بترسمه و تعبر عنه

و أمنيات جميلة عايشة فيها؟؟؟
اصلها احلام مش ملكها
دنيا هي بتعملها لناس تانيه تعيش فيها دنيتها هي دنيا تانيه خالص
دنيا مبقتش تآمن لحد تاني غير الزمن اللي برغم انه متقلب ومتغير الا انه اامن عليها من اي كان
ده الموضوع بكل وضوح

وتخليها في الرسم يا ستي ماهو ده اللي هي بتعرف تعمله
ترسم اجمل لوحه


ديما مرورك مميز
خالص تحياتي

وحبي

همس الاحباب يقول...

قصة اممممممممم
عجبنى قوى الاسم نفس مهترئة
يتماشى مع نمط واسلوب القصة المكتوبة
مرور وسلامات وشكر متاخر
تحياتى

شريكة في المطعم يقول...

السلام عليكم ورحمة الله وبركاته

جميلة اوي يا حنان
وفيها معاني كتيرة
وعجبني جدا اختيارك للعنوان
تسلم ايدك

الحــ ــزين يقول...

الحــ ــزين
طول عمرك مبدعة
بس اللى معكنن عليا نفسى اعرف انتى بتتقلى ليه بس عليه .
ماشى ياقمر برحتك
دومتى بكل خير