الأحد، 12 يوليو، 2009

حزن ... لن يصبح أبداً ذكري

كل الأحزان .. كما الأفراح تتحول إلي ذكريات ، ما يجعلنا نزعم أحياناً أننا نملك النسيان ،
فالذكري بقدر ما تعترينا معها من آلام أو أفراح طفيفه ، إلا أنها سطحية التأثير نوعاًما ،

الذكري المؤلمه .. كنصل حاد .. يحدث خدشاً طفيفاً علي جلودنا ، فلا هو بالعميق
المحدث نزفاً ،

ولا هو بلا شئ .. أبقانا علي أحوالنا ، هكذا الذكري ..
تحمل أطياف الألم لا خناجر الجراح ،

أما أن تحمل حزناً .. أعمق من قلبك ، حتي كأن قلبك قد نبت يوماً من طينه ،
فهذا لن تملك منه النسيان ما حييت ،

إذاً .. سيبقي دوماً ليدميك ..

وإن نفد دمك .. سيخترق اللحم ليجرحك ،

وإن فني اللحم .. سيخترق العظم ، سيقهرك ويسكنك ، حتي يكون أنت وتكون منه..

نحتاج لحل !!!

كيف ندمر وحش غابات الأحزان قبل أن يستعبدنا ؟؟؟!!!

علاج الإلام كلها النسيان ..
العلاج الأنجع ،

لكن ..كيف نسيان ما اختلط بدمك وأيامك وكل من حولك ؟؟؟

تقتلنا الحيرة ويهزمنا التفكير ،

صحيح أن هناك ذلك الحزن الذي أبداً لا ينحال لذكري ..

لكن أسوأ الأحزان أن تعلم طالما حوالت النسيان فستستيقظ يوماً وقد محوته أنت ولتجد نفسك

بلا حزن .. بلا ذكري ولكن أيضاً .. بلا ذاكرة.

هناك 56 تعليقًا:

adel يقول...

فكرتيني بفيلم لجيم كاري و كيت وينسلت
الفيلم اسمه :
Eternal Sunshine of the Spotless Mind

هو من افضل الافلام اللي شفتها و فكرته ان واحد عاوز ينسي حبيبته فبسمح ذاكرته بس للاسف بيكتشف انك تشيل حد من عقلك شئ و من قلبك شئ تاني

و انا مقتنع ان محدش بينسي اي حاجة بس بنتناسي و الذكريات مع الوقت مبتكونش مؤلمة بتكون ساعات ملجئ للهروب من واقع اصعب من اي ذكري

والاحزان مش مضرة بالعكس ساعات كتير بتكون مفيدة و صحية حتي مع كترتها لان ربنا مش بيعذب حد علي طول
ربنا بيختبرنا و بيدينا بعد كده سعادة و راحة بال و خبرة من كل تجاربنا و المنا

حنان الشافعي يقول...

adel
شفت الفيلم بس من زماااااااان
الفكره انك تنسي اصلا
النسيان مش بايد حد ولو فضلنا نفكر اننا نقدر ننسي ممكن نصحي نلاقينا نسينا بجد
بس في حزن بقي
لا بتنساه
ولا بيسيبك
ولا بتعيشه
حزن كده هو اللي عايشك واستحاله تخلص منه
صحيح عقبتنا واحزاننا كلها اختبارات ربنا يصبرنا عليها
الحزن طاقه في احيان كتيرايجابيه بس احنا نوجهه
بس الحزن ده
لو في يوم قابلته
احتمال بعد مه تتمني تكون بلا ذاكره فعلا
لا قدر الله يعني

تعليق رائع
اشكرك عليه

adel يقول...

انا قبلت احزاني كلها :):)

و عارف انها احسن من احزان كتير علي الرغم من قسوتها اللا محدودة

بوستك اروع
احييكي عليه

كاتب مصري يقول...

قاس هو الألم وأقسى منه ذكراه
تركيبات كلماتك وتعبيراتك رائعة
أوحشتني هذه المدونة
خالص تحياتي

حنان الشافعي يقول...

adel

الحمدلله وربنا يساعدنا نقبل احزاننا كلها

اشكرك مره تانيه

حنان الشافعي يقول...

كاتب مصري

مرور كريم لكاتب كريم


مودتي

موناليزا يقول...

ماسمى الانسان انسان الا من كثرة نسيانه
ومهما كانت شدة الالام ستصبح ذكرى منسية فى يوم من الايام
هذه سنة الكون ياجميلة

romansy يقول...

كيف يمكننا النسيان لا نستطيع ان ننسى اجمل ايام عمرنا التى قضيناها مع مع نحب انه الحب يسكن دمنا ولا نستطيع ان نسسى بشتى الطرق ولكن علينا ان نتذكر كل شئ جميل فى حياتنا لكى تستمر الحياه ونستطيع ان نكمل المشوار

حـــلـــم كــــان يقول...

كل واحد فينا عنده بدل الذكره الف فى الذكره اللى بتوجع اوى وفى الذكره بخليك تبتسم

البوست جامد

Hesham يقول...

انسان يلا ذكرى انسان جاف المشاعر انسان بلا ماضى انسان بلا ذاكرة

عاشقه الرومانسيه يقول...

الحزن هو الشئ الوحيد اللى بيتولد كبييير ويصغر مع الايام
مهما كان حجمه ومدى المه
وربنا جعل لنا نعمه اسمها النسيان
نحمده عليها

حلـم،، يقول...

الله علي الجمال والثقافه الغزيرة وفلسفة الربط ومنح العمق انتي ست جباره ومن اجل ذلك انا احترمك واقدر قلمك وراسك اكثر لان منه تشرق العين العسليه المذهله التي تحمل الحنان الشافي لكل سقيم لايوجد لي رجاء الا ان لااكون مصدر ازعاج لاحد..واتمنى ان يهجرنا هذا المداد الذي يحمل احساس حنان التي احن الي زيارتها ولن ابرحها طالما الوقت يسعفني دمتي وفيه لمحبيك..انتظر زيارتك..ولنتظر ان تكون مدونتي خفيف ظلها عليكي..الي اللقاء يابنت الاوفياء..حلم..

حلـم،، يقول...

اسعدني ردك في البوست الفائت لسه راجع منه كده رضا والله مابحب حد يزعل مني كل الكلام يهتف انتي كلك علي بعضك ذوق وبنت ناس طيبين واتمني ان يجمعناالقدر بكم في المحروسه عن قريب..سلام ياست الكل لقلمك ولكلامك فقط..حلم..

عاشقة الأحزان يقول...

السلام عليكم


اختى وحبيبتى الفاضله حنان

وحشتنى قوووى يا حياتى
انا بتهيألى كده انتى كتبتى الموضوع ده عشانى انا ولا ايه

بجد حسيت بكل كلمة كتبتيها ياحبيبتى

تسلم ايديكى وبوعدك ان شاء الله هيكون فى تغير كبيرررررررررر


بحبك قوووى
ربما مش يحرمنى منك يا احن اخت بالدنيا كلها
بحبك قووى
انوسه

حنان الشافعي يقول...

موناليزا
ونعم بالله ومؤمنه بسنة الكون

لكن بجد الحزن ده موجود
انا اعرفه

دمتي بخير بعيدا عن الاحزان

حنان الشافعي يقول...

romansy
لو عالحب مش ممكن ننساه
ومش هنزعل حتي لو فيه جرح
انما الحزن اللي اقصده
ساعات لما بفكر شويه بقول وايه يعني
ما ابقي بلا ذاكره

حنان الشافعي يقول...

حلم كان

الذكريات نص حياتنا

اشكرك ومرور كريم

حنان الشافعي يقول...

hesham


حقا ما قلت

مرور كريم

حنان الشافعي يقول...

عاشقة الرومانسيه

ونعم بالله يا دودو والحمدلله علي نعمه

وحشني وجودك هنا

وجدان جريح يقول...

احساس عالى جدا وكلمات بجد رقيقه جدا

عارفه من اعظم الحاجات اللى ربنا خلقها فينا

هى القدره على النسيان

يعنى من اول مجينى الدنيا د فكرى فقدنا كام حد عزيز علينا فقدنا كام حلم كنا متمسكين بيه اه الموضوع مؤلم بس بننسى ف الاخر

ف البدايه بنتناسى وبنقنع نفسنا انا ناسيين وممكن نخدع نفسنا فعلا ونصدق اننا ناسيين لغايه مييجى موقف صغيور خالص يفكرك بكل ذكرياتك

بس صدقينى مع مرور الوقت الذكريات دى بتبدأ تختفى واحده ورا التانيه وهيفضل معاكى بس الذكريات اللى انتى متمسكه بيها لو حتى بطريقه لا شعوريه...

حبيت بلوجك كتير

بدراوى يقول...

ايه حكايتك يا حنان
مع الحزن
مالك بس
؟!

خواطر جميلة
و اعتقد محو كل شىء من الذاكرة
هو الإنتحار

أديب درويش يقول...

كل شئ ينسى
لذلك أمرنا بأن لا تأخذنا لحظة الفوران والغضب
لأنه سوف ينسى ويصبح طى النسيان

أديب درويش يقول...

كل شئ ينسى
لذلك أمرنا بأن لا تأخذنا لحظة الفوران والغضب
لأنه سوف ينسى ويصبح طى النسيان

صوت من مصر يقول...

اظن ان الانسان مش بيفتكر لحظه مؤلمه ابدا

جحا المصرى يقول...

كم هى رائعة كلماتك وأحاسيسك
حقا تأثرت بها
دمتِ فى سعادة

اعشق فى الليل ضوء القمر يقول...

انا مش فاهم حاجه إزاى النصل الحاد يحدث خدش بسيط مع إن الواقع غير كده ولا انت عايزه تقولى إن الذكرى المؤلمه أشد حده فى شفرتها من النصل الحاد
قوة الذكرى المؤلمه اضعاف اضعاف قوه نصل حاد

الأنسان خلق اسمه من النسيان
وهذا امر طبيعى جدا
لكن الذكرى المؤلمه التى تدوم لا يمكن محوها مثل الذكرى المفرحه السعيده كلاهما لا يمكن محوهما

لكن الانسان الذكى فقط هو من يستطيع ان يتعايش مع تلك الذكريات
بوست قوى وفكرته قويه ايضا
تقبل تحياتى

hasona يقول...

السلام عليكم

هي رسالة لنا لكي لا نحتفل بأحزاننا ولكن نقيم احتفالات لأي فرحة تمر بينا أو من جنبنا

نعم علينا أن نتوقف عن تغذية الحزن وأن نوقف حراجنا الناتج عنه
ولكن كيف السبيل

هناك أحزان تذوق في دماؤنا وتغذي كل أعضائنا وان رفضها عضوا ثأر لها الاخر

ولا ذاكرة تستوعبها

Soul.o0o.Whisper يقول...

السلام عليكم و رحمة الله و بركاته

حنووووووووونة الغالية
وحشتنى مدونتك
و كتاباتك

بجد والله

دايما بلمس دق و عمق كلماتها

و عندك حق ان الذكرى صعب نسيانها
سواء الحلو منها و الوحش
لأنها لحظات بتتحفر فى القلب قبل العقل

بس المشكلة يا خنونة بتكون فعلا فى استغراقنا فى التفكير فيها و استعذاب الاحساس بها
خاصة لو كانت حزينة

و نفضل عايشين على اطلالها لحد ما يقضى علينا

و دا غلط
الذكرى دايما للعبرة
او رسم بسمة لو كانت سعيدة

عيشى حياتك يا جميل
و كن جميلا ترى الوجود جميل
:)


دمتِ فى رعاية الله

بالحق
اجابات التاج روعة بجد
تسلم ايدك

حنان الشافعي يقول...

حلم،،
مرور كريم لاخ اكرم
واتمنى ان يهجرنا هذا المداد الذي يحمل احساس حنان التي احن الي زيارتها ولن ابرحها
الجمله دي حيرتني جدا بصراحه بصراحه
ياريت تفهمهالي
ان شاء الله ازورمدونتك قريب

اشكرك وتحياتي

حنان الشافعي يقول...

حلم،،
يايت يكون ردي وصلك

مرور كريم

حنان الشافعي يقول...

عاشقة الاحزان

اختي وصديقتي العزيزه انوس
انتي كمان وحشتيني جدا جدا
بصراحه انتي السبب اني نشرته
الحاله اللي حسيتك فيها دفعتني انشر الموضوع ده ويارب اللي حاولت اوصله يكون حصل
وكويس ان فيه تغيير
ربنا يحميكي يارب ويخفف عنك
ومتشكرينيش ده اقل واجب من اخت لاختها
ولا ايه

بحبك موووت

حنان الشافعي يقول...

وجدان جريح

مرور كريم وتعليق اجمل

الذكري موجوده مهما كانت صفتها
ساعات بنقابل حاجه صعبه وممكن تتعبنا شويه لدرجه ممكن ننسي فيها اننابنقدر ننسي
الحمدلله النسيان نعمه

اسعدني مرورك

حنان الشافعي يقول...

بدراوي

ابدا
الحزن جزء من حياتي زيه زي الفرح تمام
ولو نسينا كل شئ هيفضل جوانا شئ بيعرف الحياه

مرور كريم

حنان الشافعي يقول...

أديب درويش

بالطبع يوجد نسيان لكننا لا نملكه ابدا

مرور كريم
تحياتي

حنان الشافعي يقول...

صوت من مصر

احيانا الانسان بيتلذذ بالالم

حنان الشافعي يقول...

جحا المصري

مرور كريم واشكرك
دمت انت الاخر في اتم حال

حنان الشافعي يقول...

اعشق في الليل ضوء القمر

انا قصدي اقول ان النصل الحاد جدا ده مجرد مروره من بعيد بيعمل جرح حتي لو طفيف او سطحي

لأنسان خلق اسمه من النسيان
وهذا امر طبيعى جدا
طبيعي ودي سنة ربن في خلقه انا ققصدي اننا لا نملك النسيان فلا يجب ان نزعم ذلك لان هناك فعلا ما لاينسي

لكن الانسان الذكى فقط هو من يستطيع ان يتعايش مع تلك الذكريات
احيانا كونه لابد يتعيش مع بعض الذكريات ده شئ صعب

بوست قوى وفكرته قويه ايضا
الاجمل والاقوي تعليقك اللي ديما مش مكتفي فيه بكويس وجميل بالعكس حابب تفهم وتناقشني وبنقدني كمان وده شئ بحترمه وبشكرك جدا عليه

تحياتي لك

حنان الشافعي يقول...

hasona
وعليكم السلام ورحمة الله وبركاته

افتقدتك البوست الماضي
هناك أحزان تذوق في دماؤنا وتغذي كل أعضائنا وان رفضها عضوا ثأر لها الاخر

ولا ذاكرة تستوعبها
الجمله دي لخصت قصدي من البوست
الاصعب اننا نجد لها كيان يتحملها

مرور كريم دوما
ودي

ادم المصرى يقول...

تعبيراك جميله جدا يا حنان بس بلله عليكى

هونى على نفسك وحول تنسى هذه الاوجاع التى تتحكم بداخلك

ادم المصرى يقول...

اتمنى ان لا يأتى اليوم الذى انسى فيه اجمل لحظات حياتى فى كل المراحل اتمنى ان لا تأتى لحظه النسيان الى ابدا

نهــــــــــار يقول...

السلام عليكم......
سبحان الله النسيان نعمه ...
قد لا توجد عند البعض ....
........
بلا حزن .. بلا ذكري ولكن أيضاً .. بلا ذاكرة
معادله صعبه ....
....
دمتِ بخير

حنان الشافعي يقول...

soul.o0o.whisper
وعليكم السلام ورحمة الله وبركاته

حبيبة قلبي وصديقتي الغاليه
عندك حق ان الذكرى صعب نسيانها
سواء الحلو منها و الوحش
لأنها لحظات بتتحفر فى القلب قبل العقل
فعلا
بس في مشكله
في احداث صعب اصلا تكون ذكري بنفضل نعيشها كانها لسه بتحصل
مرورك ديما بيسعدني يا سول وكلامك كله عندك حق فيه
كلامي كان مجرد تعبير عن حاله معينه والحمدلله الدنيا زي ما ربنا خلقها زي ما انا شايفاها لعب ولهو والدار الاخره باذن الله دار القرار

دمتِ بخير

حنان الشافعي يقول...

ادم المصري

اشكرك علي رايك
وانا الحمدلله بخير
انت قلت دي تعبيرات مش اكتر

حنان الشافعي يقول...

ادم المصري

ومن يتمني ذلك
يومها سنكون بلا هويه فذكرياتنا علي اختلافها هي نحن

دمت بخير

حنان الشافعي يقول...

نهار
وعليكم السلام ورحمة الله وبركاته

النسيان نعمه نحمد الله عليها ولكننا لا نملكها وهذا اكيد


لا حزن .. بلا ذكري ولكن أيضاً .. بلا ذاكرة
معادله صعبه ....
بل هي معادلة المستحيل والفناء ايضا

دمتِ بخير وسلام

ودي

elsha3er يقول...

السلام عليكم

على قد ما الكلام جميل وفيه معانى كتير

بس حاسك حزينة يا بنت بلدى مش عارف لية


يارب اكون غلطان


تحياتى


احمد الشاعر

شيماء زايد يقول...

بعض الاحزان نحتفظ بها بداخلنا كتميمه حظ
تدلل علي اننا قادرين علي تجاوز الاحزان الهينة

وتكن برهان علي اننا في وصب الاعداد لمسؤلية كبيرة

خالص حبي يا حنون

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته

ان كل ما يمر على الانسان

سواء كان فرح او حزن

الم او سعادة سيصبح كله في طي الذكريات

والا لم سمي الانسان انسان الا من النسيان

وهذا من رحمة ربي

فلو اننا تذكرنا الالام ولم ننسها سنموت حصرة مكمداً

ولو افتكرنا الافراح دائماً ولم ننساها فلن نشعر بمن يتألم بجوارنا

عرض رائع ودمتم بخير

هيثم مكارم يقول...

السلام عليكم

أعجبتني تدوينتك وفلسفتك للحزن والذكرى ، كما أعجبتني جداً عباراتك وأسلوبك ، وأخص تلك الفقرة : "تحمل حزناً .. أعمق من قلبك ، حتي كأن قلبك قد نبت يوماً من طينه"

أبعد الله عنك الأحزان دوماً.

تقبلي مروري وتحياتي

شريكة في المطعم يقول...

السلام عليكم

كتاباتك دائما روعة وجميلة اوي يا حنان
بس دائما الحزن مسيطر عليها
اما النسيان فهو فعلا نعمة كبيرة اوي
بس دايما المواقف الصعبة ..الواحد مش بيقدر ينساها وبتفضل دايما في ذاكرته

حلـم،، يقول...

حنان..اعذرني سقطت (لا)اتمنى ان لايهجرنا..وسقطت لا خلتها في موضع يشوه ما رغبت بانشاده اتمنى المعذرة ..مش عارف انا بفتح باب وبطئي بالكتابه وعدم احترافي النت بدو يجيب لي مشاكل ومع مين؟ مع الست حنان؟ هى ناقصه يابطىء افندي!!!احنا ماصدقنا الطيب يرسى ..والف سلام واتمنى ان تكوني وفقتي في الامتحانات واتمنى ايضا اجازة حلوه مع الاهل والاحباب سلام يا اسكندريا..حلم..

micheal يقول...

علي قد مسحة الحزن اللي في الكلام وقسوته بس أسلوبك في التعبير عالي أوي أوي
تحياتي

اعشق فى الليل ضوء القمر يقول...

انا جيت الصبح
بصبح على الناس الحلوه
وبقول امركم نفذ و البوست نزل امبارح

آفشنا حرامي يقول...

نحن فى انتظارك دوما

البداية بدات اليوم

ونتمنا نشر لينك هذه المدونة بين كل اصدقائك

وتقوم بوضع لينك المدونة على قائمة المدونات بمدونتك للتواصل الدائم

مع تحياتنا

آفشنا حرامى

mahasen saber يقول...

عمر الحب ما بيقدر يتمسح فى يوم وليله

وعمر ما حد بيقدر ينسى حبيبه الى الابد الل لو حبيبه سابله جرح يعيش معاه وبيه للابد

اعشق فى الليل ضوء القمر يقول...

انت فين
انا بقالى مده مش عارف عنك حاجه
اخر حاجه عرفت انك كنت تعبانه و قمتى بالسلامه
على الله تكونى بخير