الأربعاء، 24 يونيو 2009

المطر الأسود


يتدفق .. قطرة قطرة ، وقطراتٍ قطراتٍ ، ثم سيل .. فيضان من السواد


قبل الفيضان .. أنبأ السحاب الأسود بالخير .. لكنه لم ينبئ بمطر أسود !!





قبل الفيضان .. عاث الجفاف بربوع الأرض يملأها اشتياقاً ..


تصلبت حباتها وتضامت ،


حاولت الصمود


ثم انهارت .. احتضرت ..


أوصت ترابها أن أرسل ذراتك باحثة عن مطر يطفئ شوقي ،



وابحث جيداً ..لابد أن يكون مطراً أسود ،



جمع التراب فيالق ذراته نافرة .. مستعدة تدق طبول البحث .. تنفذ فصول الوصايا ،



أم كانت أمنية ؟؟ أمنية شوق لهذا المطر الأسود ؟؟



لا يهم .. فقط أن نحقق مطلبها ، لكن أين نجد هذا المطر المزعوم ؟؟




فلنبتهل لسماوات الغيم السوداء تأتينا بمطر أسود ... كيف إذن وماالقربان المناسب ؟؟




هنا .. نادت بعض غيمات تعج بالكتمان ، سأخبركم سراً أيها المشتاقون ..



اذا أرادت أرضكم المطر الأسود .. فلتبتهل بدمع العيون كل ذرات تراب الشوق بسكون ..





ابتهلت فلول التراب وأرادت أن تمس سماوات الغيوم ..




اهتز عرش غيوم السواد وتمخضت عن قطرات ..


لكنها ليست بهذا المطر الأسود ..



ليس لنا إلا ان نقبل هبة الغيوم ..



التحمت ذرات التراب بقطرات المطر .. فإذا بالأرض وقد تقلبت واهتزت عشقاً ،


ثم ارتدا ملتحمين نحو السماء ... مطراً أسود .




هناك 45 تعليقًا:

adel يقول...

أول تحليق :):)

adel يقول...

مش هاقول رأي خالص

adel يقول...

ايه النيولوك الجامد ده :):):)

adel يقول...

حلو المطر الاسود
خصوصا لو بالزيت :):)

adel يقول...

لا بجد حلوة قوي ياحنون وبلاش تقفلي المدونة تاني
في ناس بستني ابداعتك

*البت المشمشية *حلوة بس شقية * يقول...

مش عارفه ليه يا حنون
حاسة انو بوست كئيب اوى

وردشان smilyrose يقول...

يالله عليك يا حنان

ما اروع تعبيراتك

ولمساتك الجميلة فى تلك القطرات

رغم الغيوم ورغم قطرات المطر الاسود

فهناك امل لنزول المطر كى يروى الارض

المشتاقة لقطرات الماء كى تزدهر

كى تروى عطشها

ابدعتى اختاه

وردشان

روح الحب الصادق

شيماء جمال(شيمو القمر) يقول...

هذا التراب أو الأرض هو روحى التى تشتاق دائما الى من يروى عطشها بالحب والحنان

ولكن لماذا مطر أسود

فقد استغربت كثيرا

متبقيش تبعدى عننا تانى

تحياتى لك
شيمو القمر

اسماء واحلام فى وجدانى يقول...

ايه ده

بجد

ايه ده

والله الكلام ده جد مش هزار لانه اول انطباع جانى وانا اقرا كلماتك

Hanan Elshafey يقول...

adel
اول تحليق ؟؟
حلق يااستاذ ولا يهمك

Hanan Elshafey يقول...

adel
ومش هتقول رأي ليه
رأيك يهمني جدا

Hanan Elshafey يقول...

adel
شفت بقي النيولوك
شبه الاولد لوك بالظبط حتي اللون اسود بردك :))

Hanan Elshafey يقول...

adel
في بالزبده ابعلتك حبه ؟؟ :))

Hanan Elshafey يقول...

adel
بجد بجد متشكره اوي
ايوه كده مش تقولي مش هقول راي
ومتشكره جدا عالصوره كانك دخلت جوا دماغي وجبتها بالظبط
يخليك للغلابه
:)
ابداعات !! كتر خيرك والله كفايه احس ان في ناس جنبي وبتستني اللي بكتبه ابداع بقي ولا بالزيت

Hanan Elshafey يقول...

البت المشمشيه حلوه بس شقيه

ماهو كئيب فعلا فعلا

بينقط كآبه بلون المطر الأسود

Hanan Elshafey يقول...

smilyrose
الله عليكي وعلي وجودك الجميل
الامل موجود
بعد اشتياق
بعد جفاف
بعد كثير من المحاولات
لكن احيانا يتحول المطر للون الاسود

الابداع هو روحك الراقيه الرقيقه النادره

تحياتي

Hanan Elshafey يقول...

شيماء جمال )شيمو القمر

اقولك ليه مطر اسود
عشان ..
ولا اقولك
هقولك علي الايميل :))

متبقيش تبعدي عننا تاني
بعدت بس كنت جنبكم
كنت محتاجه ابعد
وشكلي هحتاج للبعد تاني

وحشتيني جدا علي فكره ونفسي اشوفك

Hanan Elshafey يقول...

اسماء واحلام في وجداني

ازيك يا احمد اخبارك ايه

ولا يهمك كل انطباع يهمني واقدره

اشكرك

ادم المصرى يقول...

حنان

تعبيراتك بجد جميله جدا

رغم كل الغيوم التى تملئ المكان ولكن الامل موجود لوجود ثغره بسيطه وهيه الحب فى كل مكان يعطى امل

Unknown يقول...

اولا ازيك يا حنان
ثانيا كويس انك فتحتي المدونة
ثالثا انتي عارفة رايي في كتاباتك
رابعا بلاش المطر يكون اسود لأنه امل من السما .......... فيبقي اي امل تاني علي الارض ......... اسود محروق !

غيري السواد شوية عاوز اقرا حاجة بمبي

Hanan Elshafey يقول...

آدم المصري

أشكرك علي رأيك يا آدم
والأمل موجود ديما بعيد عن الحب !!

Hanan Elshafey يقول...

المعلم محمد صاحب المطعم- طعميه سخنه

اولا الحمد لله
ثانيا يعني قلت افتحها بدل ما بقت بايته وممكن تحمض
ثالثا عارفه ورأي أعتز بيه لكنه ديما يهمني تقول رأيك
رابعا المطر نزل من السما ابيض شفاف لون القلوب الصافيه لكنه لما قابل تراب الارض حاول يرجع تاني للسما بس المره دي كان اسود

غيري السواد شوية عاوز اقرا حاجة بمبي
بس كده
حالا نكتب بوست بكل الالوان عشان خاطرك

ساعد نسرين الايمن يقول...

المطر الاسود
ماجدة الرومي
نزار قباني
اول من شرحت لي معني المطر الاسود هي نسرين
قالت لي انه اختلاط الدمع بالكحل

اذا أرادت أرضكم المطر الأسود .. فلتبتهل بدمع العيون كل ذرات تراب الشوق بسكون
لكني اعتقد انه لو اختل الدمع بالشوق فستكون النتيجة مطر روز

دومتي مختلفة
انتي انسانة رقيقة جدا جدا جدا
وايضا ليساندرا
اكره التدخل
لكن حقا ضايقني ان رائعتان مثلكن يحدث بينهم سوء فهم

دمتي بود حنان
وربنا يشيل اي حاجة سوداء من حياتك
الا السيارات والخيل وبدل العريس

بـسـمـــة صـــــلاح يقول...

البوست عجبني اوي اوي اوي
مناسب لحالتي الكئيبه السوداويه
بس بلاش كئابه
خليكي متفائله شويه
وابتسمي للحياه

قوليلي بأه
قولي لنفسك الكلاد دا
هههههههههههه

ربنا يزيد من ابداعك دا

وحشتينا فينك من زمان

يابنتي

ربنا يسعدك دايما
تقبلي مروري
تحيــ بسومةــاتي(:

همس الاحباب يقول...

جمدلله على السلامة
ومبروك على النيو لوك الجديد
واحييكى على كلماتك وابداعاتك اللغوية
واختباراتك اللفظية
البوست رائح جدا
تحياتى

Unknown يقول...

عايز اقولك
ان اللغة قوية عندك
و كويس اوووى
انك قادرة تحافظى على المعانى الجميلة
و قوة اللغة العربية و جمالها
ده فى حد ذاته شىء جميل
ليكى

اما البوست نفسه فجميل كالعادة

حتى المطر الأسود يأتى ببعض الخير

Sweet Violet يقول...

البوست اللى فات كان فيه فرح بحرية
البوست ده حاسه فيه حزن شديد قوى
v_v
ارجو تكونى بخير

صوت من مصر يقول...

بجد يا حنان
كنت محتاج اقرى حاجه تخرجنى من حاله البلاهه الى انا فيها
اشكرك
لكن السواد يايدنا

اعشق فى الليل ضوء القمر يقول...

مبروك الوجه الجديد ده
بس ليه إسود كده

أول مره فى حياتى أعرف إن للمطر الأسود فوائد على حد علمى إن المطر الأسود بيأتى بعد المصائب مثل الإنفجارات
التلوت الرهيب فيكون رحمة الله بنا وقتها نزول المطر ليلتحم مع ذرات الغبار أو التلوث لتهدأ الأرض ولتعود من جديد ليوم مشرق

و الله يا حنان أول مره أعرف أهميه للمطر الأسود غير إللى كنت بعرفه

غير كده أنا كنت عارف إنك كنت هتغيبى بس أنا كنت بستنكر طول المده يعنى كنت متابع و أنت من الناس مش من السهل عدم متابعتهم

على فكره إنت ثانى شخصيه لما أقرأ لها لازم أكون فايق وراااااااايق على الأخر وأشرب كبايه الشاى أولا و أقعد و أربع كمان على الكرسى و أقرأ كلماتك أكثر من مره منها باستمتع بجمله جمله ومنها بحاول أفهم
أصلى بعيد عنك أخوكى بيستوعب بسرعه (وش بيغمز و بيضحك)

نرجع بقى للبوست
ولا اقولك أقرأه للمره الثاله و أعلق بعدين

بلاش وادى النسيان تانى ماشى

تقبلى منى
انا
أعشق فى الليل ضوء القمر

Unknown يقول...

كلمات تنبض بالاحساس والصدق
وفقك الله

اعشق فى الليل ضوء القمر يقول...

انا فاكر إنى علقت

وقلت رأى

مش عارف ليه لم يظهر

يكون تهيؤات

لا انا متأكد

مش عارف

Hanan Elshafey يقول...

جريدة الصباح العربي

اشكر الاهتمام

Hanan Elshafey يقول...

ساعد نسرين الايمن



اكره التدخل
لكن حقا ضايقني ان رائعتان مثلكن يحدث بينهم سوء فهم
وانا حزنت جدا وارجو من كل قلبي انه يكون انتهي

دمت بود واشكر رأيك

Hanan Elshafey يقول...

بسمه صلاح
ازيك يا بسومه
وحشاني جدا
وياستي كويس انه عجبك ماهو الدنيا لو بمبي علي طول هتبقي ملهاش طعم ولا هنعرف قيمة البمبي الا لو شفنا الاسود
وبعدين الحاله اللي انتي فيها عاديه ومؤقته مش تقلقي ان شاء الله هتعدي علي خير

ربنا يسعدك انتي كمان ويحقق كل احلامك

Hanan Elshafey يقول...

همس الاحباب

الله يسلمك ويبارك فيك يارب

وبعدين كل الكلام الرقيق ده
كده هتغر
اشكرك علي رايك
ودمت بخير

Hanan Elshafey يقول...

بدراوي

اشكرك علي رأيك واللغه العربيه دي اصبحت حياتي وحبي الاول والاخير

والمطر الاسود
هنا كل الخير
دمت بود

Hanan Elshafey يقول...

sweet violet

البوست اللي فات كان مواجهه مع الحريه
ودي مش ديما فرحه
البوست ده حزن صحيح مع رشه خفيفه من ذرات الخير المختبئه

Hanan Elshafey يقول...

صوت من مصر

ولو اني مش عارفه ازاي خرجتك من الحاله دي
الا اني سعيده بذلك
اما السواد ففي احيان كثيره هو لون الاختيار او معزوفة القدر

Hanan Elshafey يقول...

اعشق في الليل ضوء القمر

الله يبارك فيك بس اللون الاسود اساسي من يوم ما عملت المدونه

غير كده أنا كنت عارف إنك كنت هتغيبى بس أنا كنت بستنكر طول المده يعنى كنت متابع و أنت من الناس مش من السهل عدم متابعتهم
طول المده والغياب ذاته كان خارج عن ارادتي وحاولت علي قد ما قدرت اني اقصرهم ورأيك اعتز بيه جدا واشكرك عليه ويارب اكون عند حسن الظن

على فكره إنت ثانى شخصيه لما أقرأ لها لازم أكون فايق وراااااااايق
ياتري من الشخيه الاولي ؛)


أصلى بعيد عنك أخوكى بيستوعب بسرعه (وش بيغمز و بيضحك)

اه قول كده بقي (وش بيضحك جدا )

نرجع بقى للبوست
ولا اقولك أقرأه للمره الثاله و أعلق بعدين

هستني الرأي ولو نسيت هزعل جدا

بلاش وادى النسيان تانى ماشى

يعني متابع اهو
بس ده وادي مهم جدا في حياتنا مينفعش نلغيه ممكن نبعده شويه

اشكرك علي رايك وكلماتك
تقبل تحياتي

Hanan Elshafey يقول...

نهر الحب

اشكر مرورك وكلماتك
وفقك ورعاك الله

Hanan Elshafey يقول...

اعشق في الليل ضوء القمر

مش تيؤات ولا حاجه
التعليقات عليها اشراف عشان كده مظهرش

اعشق فى الليل ضوء القمر يقول...

مش ينفع أعلق على البوست ده لكن بما إنى وعدتك بأنى هعلق عليه وكمان زعلك ده صعب عليا

مختصر انا فهمت بتوصفى حاله من الحب للأرض للمطر و السواد مقصود بيه مش عارف أوصفها لكن فاهم معناها

الجميل جعلك كل من حولهم بيوصفوا ليهم وبيوضحوا أهميه الثانى عند الأول

فهمت انا كده ولا أقرأى تانى

Hanan Elshafey يقول...

اعشق في الليل ضوء القمر
فهمت جدا جدا فعلا هي وصف حالة حب وشوق من نوع نادر شويتين واصل البوست كان بسبب خلاف بيني وبين احدي صديقاتي المدونات حول شوق الارض للمطر ابلغ ولا شوق التراب للمطر
هي قالت ان معني التراب مش حلو وممكن يكون معناه السفه مش الشوق
رأيي كان اللي شفته في البوست شوق التراب اجمل ودرجته اعلي بكتير عشان الارض شوقها بيخليها جامده وصلبه اما التراب فبيبقي نافر وكانه هيطلع السما يجيب المطر كمان شوق الارض للمطر شوق حياه اما التراب فشوق وجود وذات بدونه يكون الفناء
بس كده
وصلت فعلا للمعني بتعليقك وانا فصلت خالص اهو وفعلا كنت هزعل لو كنت مش علقت
اشكرك

اعشق فى الليل ضوء القمر يقول...

هيه هيه

أخيرا فهمت

و الله كنت خلاص قربت اقول إنى عقد

بس الصراحه برافوا عليكى

صحيح تعبت علشان افهم المعنى
بس برافوا عليكى بجد

لولا إننا فى بلاد عربيه لخلعت لكى القبعه إحترام

اعشق فى الليل ضوء القمر

Hanan Elshafey يقول...

اعشق في الليل ضوء القمر

ههههههه
الحمدلله
انت اصلا كنت فاهم صح من الاول وانا وضحتلك خالص اهو
مش برافو عليا ولا حاجه يعني
انا اصلا مش بكتب عن الحب ابدااااااااا
ده عهد من زمان
بس البوست ده كان استثناء
وبصراحه بالنسبه لي
مش زي اي حاجه كتبتها

مرور كريم دوما