السبت، 21 مارس 2009

أغلي أيامي


أ ... أبقيني داخلك فما أحوجني إليك ِ ،
م ... ملَّكتك روحي وكياني ووجودي لكِ ،

ى ... يا من أحيا بأملك فهااااا أنا من أجلكِ ...


أمي
دوما سكني وملاذي ...
أتخبط بين أيامي ...
أتعب أو أرتاح ،
لكني قطعا أعلم ...
أن بحضنك لي براح ...

أمي

أهديتيني جزءاً منكِ ...
يبعث فيَّ الحب ،
فلتقبلي مني كلمات ...
غمرت هذا القلب ،


أمي

من أجلي كنتِ ...
بجواري دمتي ،
من أجلك روحي رهن ...
فاقبليها وسعدتي ،



أمي

حبي وحناني ...
عمري وزماني ،
وجودي وكياني ...
أنتِ كل الأماني ،


أمي
إن أخطأت يوما ً سامحيني ...
إن إبتعدت ... سأعد فأنتِ عنواني ،
أعرف ... ستقبليني ،
فمن أجلك أعيد المحاوله ...
وتساعديني ،

أمي

كم من أيام مرت من عمركِ ،
عشتيها حبيبتي من أجلي ...
كم من رغبات من أجلك ،
أهديها إليكِ بعمري ،

أمي
حبيبتي ... أنتِ جنتي ...
أنتِ فردوسي ... أنهار حناني ،
أنتِ ضيائي ... قبس زماني ،


أمي
بدفئكِ تمر أيام الشتاء ...
ببسمتكِ ... تهون أيام الشقاء ...
بدعوتكِ ... تتفتح أزهار الصحراء ،


أمي
كم بشدة أحتاج رضاكِ ...
كي أهديكِ نوري ليضئ سماكِ ،
أهديكي عمري وروحي ووجودي ...
أهديكِ فرحة أيامي ... رخصاً فداكِ ،

أمي
ترنيمة حبي ... شدو صباي وعمري،
أحبك من كل قلبي ... أقسم ، أهواكِ ،


أمي

إن أخطأت فعبثاً حظي ،
إن إبتعدت فسوءاً عمري ...
أنا صغيرتك فضميني ..
ضميني أحتاج إليكي ...
بقلبك الصافي سااااااامحيني ،

أمي
من أجلك كل الأيام ..
من أجلك كل الأعياد ..
من أجلك كل الأزهار ..
من أجلك كل الورود ..
من أجلك كل الأماني ..
من أجلك كل الكلمات ..
من أجلك أكتب من أجلك أحيا ..
من أجلك أنا ...
أقهر إعصار ..
أتحدي ...
إحراق النار ..
أعمر من أجلك يا أمي ..
أملاً .. ناله يوماً سوء دمار ،


أمي
إن لم أتكلم فاعلمي ..
الآن ..
وبكل زمان ..
بكل أرجاء المكان ..
لو كانت لروحي قيمه ..
لو تكفيكي أيام عمري القديمه ..
لو كان عمري حاضراً ..
لو كان وجودي مستقبلاً ..
فاعلمي ..
بحبك ينبض قلبي ..
تجري بعروقي الدماء ..
وبحبك أحيا ..
حبيبتي ..
كل الأعمار ...


أمي
ضميني ..
إقبلي مني قبلة حااااااانيه ..
إقبلي مني كلمة شكر ..
إقبلي مني بكل إصرار ..
إقبلي مني من أجلك ..
لوحة إعتذار ...........

أغلي أيامي ..
إن يوماً تبسمت .. سعدت .. نجحت .. اجتهدت .. أملت .. حققت كل الأحلام .. فصدقيني .. من أجلك .

هناك 73 تعليقًا:

موناليزا يقول...

ربنا يخليهالك ويباركلك فى عمرها ويباركلى فى عمر امى
كلماتك جميلة
بالتوفيق دائما

فشكووول يقول...

حنان هانم .. تحياتى

كل سنه وانت بألف خير
كل سنه وانت طيبه
وكل سنه وماماتك طيبه
وكل يوم ام وانتم الاثنين بخير

تحياتى

Hanan Elshafey يقول...

موناليزا
ياااااااارب يا أجمل جميله
ويرزقنا رضاها اللهم اااااااااامين

الوردة البيضا يقول...

عزيزتي حنان
كل سنة وكل أمهاتنا طيبين... ربنا يمتعهم بأحسن صحة وبكل السعادة ويخليهم لينا لأننا من غيرهم ولا حاجة.

كلماتك هي أقل ما يمكن أن يقال في كل أم عظيمة
تحياتي لك

Ophelia - cfd يقول...

ماشاء الله :)

كلماتك حلوه اوى يا حنان ومعبره جداً

ربنا يخليهالك ويخليلنا امهاتنا

:)

Hanan Elshafey يقول...

fashkool
اشكرك بشده استاذي الجليل
ويارب يسعد كل ايامك انت وكل من تحبهم

مـجـنـووون يقول...

الله ينور علي الكلام الجميل

يا ريت الناس تحب أمهم بالشكل ده

كان هيبقي للدنيا طعم تاني خالص

كل سنة وانتي بالف خير

تقبلي مروري
مجنووون

*البت المشمشية *حلوة بس شقية * يقول...

حنون
ربنا يخليلك مامتك يارب
وكل سنة وهيا طيبة
وكل الامهات طيبن

romansy يقول...

كل سنه وكل ام طيبه وبخير وسلام
ويارب نحقق دايما احلامهم وامنياتهم
يارب

adel يقول...

ألواحد ممكن يبقي ام لو هيتقال له بقين حلوين كده

ههههههههههههه

بس انا بحب بابا اكتر اساسا

هههههههههههه

ربنا يخليلي امي و ايويا و اخواتي و اصحابي و البنات اللي حبيتهم و البنات اللي حبوني و جيراني و كشك البيبس و الكومبيوتر بتاعي و كل الافلام اللي بحبها و الشوكولاتة و الكارتون و الاطفال الصغيرة كلها و الكلاب بالذات البول دوج و اخيرا وليس اخرا

الاجابة الصحيحة تونس :):):)

Hanan Elshafey يقول...

الورده البيضا
ياااااااااااااارب
اللهم امين
ويسعد كل ايامك
وأشكرك

Hanan Elshafey يقول...

زهرة الامل
أشكرك

اللهم امين
ويسعد كل ايامك يارب

Hanan Elshafey يقول...

مجنووون
امال لو محبناش امهاتنا كده يبقي هنحبهم ازاي
ده انا لو اطول اكتبلها كل كلامي
مبخلش
ياااااااااااااااااارب طولي في عمرها
واسعدها ودخلني معاها جنتك
امين
وانت بكل خير وسعاده

Hanan Elshafey يقول...

البت المشمشيه

مشمشه
يااااااااااااااااارب
وكل الامهات يارب يباركلنا في عمرهم
ااااااااااااااامين

Hanan Elshafey يقول...

romansy
ياااااااااااااااااااارب
اللهم امين

Hanan Elshafey يقول...

adel
ههههههههههههه
وانا بحب بابا وماما واخواتي وجدو وتيته والجيران كمان
واصحابي وقططي وعصافيري وزرعي وكل الحيوانات الاليفه اللي ربيتها والمتوحشه كماااااااااان
ربنا يسعد ايامك
وكل سنه ومامتك بالف خير

والاجابه صحيحه
حظ سعيد المره القادمه

صوت من مصر يقول...

امى
وامك وامنا كل سنه وانتى طيبه يا مصر

ادم المصرى يقول...

كل سنه وكل ام بيخر

ربنا ميحرمكو من بعض ابدا ويخلهالك يمقر

ويخللنا امهتنا كلنا

Hanan Elshafey يقول...

صوت من مصر
يااااااااارب
وكلنا بخير وسعاده

Hanan Elshafey يقول...

ادم المصري
يااااااااارب
ويجمعنا معاهم في الجنه
اللهم امين

غير معرف يقول...

امى

امى

امى

امى

امى

امى

مفيش كلام ممكن يعبر عن الكلمة دى

غير معرف يقول...

اختى الفاضلة

ادعوك لقصة جديدة فرايك يهمنى كثيرا

ولك منى اجمل الامنيات الطيبة

مهرة سالم يقول...

السلام عليكم ...
الله يحفظلك والدتك يا جميله وجميع أمهات المسلمين ..
وكل عام وأنتم بخير ..
الأم باب من أبواب الجنه ...

.....
دمتِ بخير

شيماء زايد يقول...

تنريمة حب صادقه في عيد ست الحبايب
احسنتِ حبيبتي

♥نبع الغرام♥♪≈ يقول...

السلام عليكم ورحمة الله وبركاته
يارب يحفظ كل الامهات
ويرحم امهات المسليمن
وكل سنه وكل ام بصحه وهنا وسعاده
تتقبلى مرورى
بالتوفيق

Hanan Elshafey يقول...

اسماء واحلام في وجداني
طبعا ربنا يباركلنا في عمرها
وبالطبع سالبي الدعوه ويسعدني ان اكون من قرائك

Hanan Elshafey يقول...

نهار
وعليكِ السلام ورحمة الله وبركاته
اللهم امين
عودة انارت بقلبي

خالص ودي

Hanan Elshafey يقول...

شيماء

كل سنه وكل ام بخير ويارب يباركلنا في عمرهم

حبي

Hanan Elshafey يقول...

عاشقة الاحزان
وعليكم السلام ورحمة الله وبركاته
شرفتني الزياره
اللهم امين

دمتِ بين نسمات رياح الحنين

شيماء جمال(شيمو القمر) يقول...

مدونتك جميلة قوى

كلامك حلو قوى

ربنا يخليلك مامتك يا رب ويبارك فى كل أمهات المسلمين

تحياتى
شيمو القمر

Safwat Rabea يقول...

كل ينه وست الحبايب بخير

فشكووول يقول...

حنغان الشافعى
تحياتى

دائما منوره بوجودك وزياراتك لى
اشكرك على التعليقك
ربنا يخليك
تحياتى

اعشق فى الليل ضوء القمر يقول...

حنان بجد اول بوست أجد فيه كم الحب و الوفاء و العطاء مثل ما رأيت هنا
الله يبارك فى عمرك و فى أمك و تكونى أبنتا باره بوالديك
تحياتى ليكى يا أمر
وتحياتى لأغلى إنسانه فى قلبك أمك
تقبلى وافر إحترامى
اعشقفى الليل ضوء القمر

Hanan Elshafey يقول...

اعترافات قلب
متشكره جدا
اللهم امييييييين

نورتيني

Hanan Elshafey يقول...

ابو عمار السويفي

كل سنه وكل ام بالف خير

تحياتي

Hanan Elshafey يقول...

fashkool

ده نور حضرتك طبعا وكل زياره ليك بتسعدني

تحياتي

Hanan Elshafey يقول...

أعشق في الليل ضوء القمر

وما اصغر كلماتي اما عظمة ما تقدمه لي امي كل يوم
انها تهديني اغلي ايامي


اللهم امين وبارك في عمر كل امهاتنا واجعلنا بارين بوالدينا واجمعنا معهم في جنته

تحياتي

Unknown يقول...

كل سنة وانتى طيبة
وكل الامهات بخير
تحياتى

Unknown يقول...

كلمات رقيقة و معبرة
و لن توفي الام حقها
تحياتي

hasona يقول...

السلام عليكم

مش قادر أقول أي حاجة
ولن تكفي أي كلمة


كل سنة وانت طيبة
كل سنة وأمك طيبة
كل سنة وكل أم بكل مكان بكل صحة وتمام

ويا رب نربي ونحسن تربية أولادنا
،،،،،،
اعذريني علي التأخير

المواصلات في عيد الام صعبة جدا


تحياتي

Hanan Elshafey يقول...

اصحي يا مصر : اسلام ديو
وانت طيب وكل الامهات بسعاده يا رب


اشكرك

Hanan Elshafey يقول...

طعميه سخنه

اشكرك
وفعلا مهما قلنا فلن نوفيها حقها


مرور كريم

Hanan Elshafey يقول...

HASONA
وعليكم السلام
وانت بخير
اللهم امين
بتسعدني جدا متابعتك حتي لو اتاخرت

اشكرك

ودي

اسماء واحلام فى وجدانى يقول...

اختى الفاضلة

اشكرك جدا لملاحظاتك

فهى بكل تاكيد مجدافى للامام

ولكن اريد ان اقول لك شىء الخطا الموجود فى القصة كان متعمد منى
لان قصة وادى القمر وجدت بها بعض التعليقات التى توحى بانها غامضة
ولا اعرف كيف كان هذا
ورايت هذه المرة ان احافظ على احساس بعض الاصدقاء على حساب المستوى الفنى الذى هو اجمل
لا اعرف ربما اكون مخطا فى هذا ولكن كما اكتب بقلبى لا اريد ان اجد احد من سكان قلبى يملهم الغموض بسببى
وهذا وجهة نظر واتمنا ان اجد منك جواب

فرايك يهمنى جدا

Soul.o0o.Whisper يقول...

يااااااااااااااااااه يا حنوووووووووووووووووووووون



كلماتك جامدة جداااااااا


بجد والله ...

حسيت بجد أن قلبك اللى بيكتبها
مش قلمك

ربنا يخليهالك يارب
و يخليلنا امهاتنا جميعا


و كل سنة و انتى طيبة
و ماما طيبة



و معلش على التأخير




دمتى بكل ود حبيبتى

Hanan Elshafey يقول...

اسماءواحلام في وجداني
أخي الفاضل
بالطبع رأيي كما قلت مجرد رأي ولك كل الحريه في تقبله او رفضه
ولكن اجعلني اصدقكك القول
اكثر من مره يشوب كتاباتي الغموض بالنسبه للبعض حتي أنني كنت أري علامات عدم الفهم في التعليقات دون التصريح
ولذلك اعذرك
لكن قيمة العمل الفني اهم
وما قصدت غير فقط تعديل التوضيح كما ذكرت في تعليقي
كان تقول ودار بينهما حوار بالاعين دون كلمات وتستطرد الكلام
لكن مجملا القصه قويه وجميله ولذلك علقت بكلامي هذا لغيرتي الشديده علي الاعمال الجميله
وانا من تشرفت باداء الراي وبتقبلك له

خالص ودي

Hanan Elshafey يقول...

سول
مهما قلت مش هقدر اوفيها
حسيت بجد أن قلبك اللى بيكتبها
مش قلمك
كتبتها بروحي مش بقلبي بس
ربنا يخليهالك يارب
و يخليلنا امهاتنا جميعا
ياااااااااارب اللهم امين
وانتي طيبه وسعيده يا رب

المهم انك بتيجي
بجد بتوحشيني

حبي

حنين القلب يقول...

كل سنه وانتى ومامتك بالف خير
كنت مبسوطه اوى انى اتعرفت عليكى امبارح
واتمنى اشوفك تانى

سلام

كفايـة طيبـة يقول...

جميلة اوى :)
معلش بقي جاية متأخر
كل سنة وانتى حلوة :)

Hanan Elshafey يقول...

حنين القلب

وانتي بالف خير وسعاده
انا بجد كنت اسعد وكنت اتمني اقعد اكتر بس معلش ملحوقه ان شاء الله
حسيت فيكي كانك حد قريب بجد والله
نتقابل قريب ان شاء الله

حبي

Hanan Elshafey يقول...

كفايه طيبه

الاهم انك جيتي
وانتي احلي واحلي يا رب

نورتيني

hasona يقول...

السلام عليكم

علي الهامش

مبروك علي اللقاء
وان شاء الله يتكرر كتير
ويصبح تقليد شهري
ودوري

ربنا يجمعكم علي الخير دايما


تحياتي ودعواتك

شفـقــة و إحســــان يقول...

الكلام تحفة والصورة رائعة ومعبرة
كل سنة وكل ام طيبة وبخير
وربنا يخليهالك يارب

أسير الجراح يقول...

متاخرة اوى

كل سنة وماما بخير

كان لقاء جميل جدا

اتمنى يكون فى مزيد

سعدت بمعرفت حضرتك


اسير الجراح

أسير الجراح يقول...

انا كتبت تعليق

ومش ظهر اممممممممممممممممم

اكتب تانى وامرى لله

كل سنة وماما بالف خير

وربنا ما يحرمك منها يارب

كان لقاء جميل

سعدت جدا بتعرفى على حضرتك


كل الود

اسير الجراح

Hanan Elshafey يقول...

hasona
وعليكم السلام ورحمة الله وبركاته
والأجمل انك متابع حتي اللقاءات
فعلا سعيده
يا رب يتكرر لاني فعلا ملحقتش اقعد معاهم كتير
ويارب يجمعنا عالخير ديما
اللهم امين

ويارب يسعد ايامك وتكون بكل خير وسلام


ودي واصدق دعواتي

Hanan Elshafey يقول...

شفقه هانم واحسان بك
اشكرك بشده

اسعدتني زيارتك جدا
وسعدت اكثر بزيارتي

ويارب اللهم امين


تحياتي

Hanan Elshafey يقول...

أسير الجراح

وانت بخير

انا كنت اسعد طبعا

يارب يتكرر ان شاء الله

تحياتي

Hanan Elshafey يقول...

أسير الجراح

التعليق موجود بس انا عامله اشراف عالتعليقات


انا فعلا كنت سعيده جدا
اتمني كنت قعدت وقت اطول

تحياتي

اعشق فى الليل ضوء القمر يقول...

قلت أعدى و أمسى

mahasen saber يقول...

كل عيد ام ومامتك بالفخير وسلام

ربنا ميحرمكيش منها ابدا

اللهم امين

Hanan Elshafey يقول...

اعشق في الليل ضوء القمر

مرور كريم
ومساء النووووووووور

Hanan Elshafey يقول...

mahasen saber
وانتي وكل ام بالف خير وسعاده

اللهم اااااااااااااااامين

Eslam Eldosoky يقول...

أمي
كم بشدة أحتاج رضاكِ ...
كي أهديكِ نوري ليضئ سماكِ ،
أهديكي عمري وروحي ووجودي ...
أهديكِ فرحة أيامي ... رخصاً فداكِ ،
----------------

كل سنه وهي طيبه
وكل سنه وأنتِ مدعه
تقبلي تحياتي

Hanan Elshafey يقول...

حقودي

وكل سنه وانت بالف خير وسلام

اشكرك
تحياتي

حارة سد يقول...

من يملك جوهرة ما أو قطعة من الماس
لن ولم يشعر بقيمتها الا وقد ذهبت وضاعت منه..حينها سيقعد ملوما

فما أسعد من تحسس بريق أمه وظل لها المصون والظائع
وما أتعس من أخمد لمعناها بيده فضاعت منه فما بات الا وهو محسورا
ربح من خفض لها جناح الذل في الدنيا فأبدله خالقها وخالقه قصور الجنة

الحارة سد

فشكووول يقول...

ازيك يا حنان
تحياتى

ريمان يقول...

السلام عليكم


ازيك يا حنان

عامله ايه يا قمر

وحشانى والله


تصدقى انا مضايقه اوى

انا افتكر انى حاطه مدونتك فى الريدر بتاعى

ومش بلاقيكى بتنزلى بوست جديد وبعدين استغربت لقيتم منزله بوستات انا مش شوفتها

تقريبا مش عارفه المشكله فى الريد ولا ايه

المهم البوست بتاعك جميل اوى

الكلمات حلوه

والصور حلوه

تحياتى ليكى

Tamer Nabil Moussa يقول...

السلام عليكم

كلمات جميلة

عن اغلى حاجة فى حياتنا

الحب الحقيقيى هو حب الام


ربنا يوفقك ويكرمك

تحياتى

Hanan Elshafey يقول...

حاره سد
فما أسعد من تحسس بريق أمه وظل لها المصون والظائع

وما أسعد من توسد ترابا مشت عليه
وقبل ايديها التي عمرا مسحت الرأس

سعدت بالزياره

خالص تحياتي

Hanan Elshafey يقول...

fashkool
الحمد لله استاذي العزيز

اشكرك بشده علي سؤالك
جزاك الله خيرا

ودي

Hanan Elshafey يقول...

ريمان

وعليكم السلام ورحمة الله وبركاته
انا الحمد لله
انتي اللي عامله ايه
بتابعك ديما علي فكره
يابنتي حصل خير
بس اديكي عرفتي الغلط فين اهو
هستناكي بقي علطول
عدي حتي سلمي عليا
انتي فعلا من الناس اللي بعتز بيها واحترمها
ومتشكره جدا جدا ليكي

احترامي

Hanan Elshafey يقول...

tamer nabil
وعليكم السلام ورحمة الله وبركاته
الحب الحقيقيى هو حب الام

فعلا
الحب الحقيقي والخالد


زياره اسعدتني واتمني ان تتكرر

تحياتي