الثلاثاء، 27 يناير 2009

هديتين غاليتين



هديتين غاليتين ، من اثنتان اعتبرهما من أعز أصدقائي المدونين ، سووول حبيبتي ، بنت المنصوره ،
وعاشقة الرومانسيه ، روح اسكندريه ،

جزيل شكري وتقديري لهما ، وخالص حبي ، والآن

مع التاج الاول : تاج سووووول

السؤال الأول : بدأتِ التدوين امتي ؟ودخلتِالعالم ده ازاي ؟

اجابة السؤال الأول : نحن شعب لا تهزنا الرياح العاتيه ، فهل يهزنا تاج يقول : اجب عن الاسئله الاتيه ؟؟؟

طبعا آه ، الاجابه اهي يا قمر ، بدأت تدوين في نوفمبر 2008 ، تحديدا أول تدوينه كانت 29 نوفمبر ، سنه كبيسه يعني ، هههههههههه ، وفي اليوم الكبيس كمان ،

اما بقي دخلت هذا العالم ازاي ، فعن طريق صديقتي وحبيبة قلبي وقريبتي وبنت عمتي العزييييزه ، شيماء زايد صاحبة مدونة همسات القلم الرائعه ، هي سبقتني لهذا العالم ، ونشرت عن طريقه اعمالها الأدبيه ، وهي كانت قرأت بعض من اعمالي وعجبتها وهي اللي شجعتني ادون وكمان هي اللي عملت المدونه وصممتها ورتبتها لولا بس اللون الاسود اللي معاندين بعض فيه ، المهم ان شيماء حبيبتي وروووووح قلبي هي اللي اخدت بايدي وفتحتلي الباب .

السؤال الثاني : ايه كان انطباعك في البدايه ؟

ج : اولا مكنتش اعرف حد ولا حد يعرفني ، فكل مدونه كنت بدخلها كنت ببقي مندهشه ، الاول كنت متخيله انها ادبيه بس ، لكني لقيت مذكرات ويوميات وصحافه وحاجات كتير متنوعه ، فكان انطباعي الاندهاش والدعبسه .

السؤال الثالث : مين اكتر حد بتحب تعليقه عالبوست الجديد ؟
ج: اكتر حد ، اي حد بيكون بيعلق من واقع قراءته وفهمه ، مش من باب هاي والسلام ، ومن اكتر الناس اللي بستني رأيهم ، شيماء ، وناس كتير جدا جدا ، بحبهم وبثق في رأيهم ، كمان الناس اللي بتستني جديدي وبيشجعوني ، واكتر اي حد بيتفاعل مع الموضوع .

السؤال الرابع : ايه أهم حاجه اتعلمتها في عالم التدوين ؟

ج : احترام الآخرين ، تقدير الرأي ، ان الدنيا فيها مواهب كتير وشخصيات كتير محترمه .

السؤال الخامس : ايه اكتر حاجه كرهتها ؟

ج : ما اظنش اني كرهت حاجه لسه ، بس بكره النفاق عموما .

السؤال السادس : حاسس ان التدوين ليه تأثير ؟

ج : أعتقد ان فيه بعض المدونات ليها تأثير شخصي عليا ، لكن تأثير عام ومغير ، لسه مدخلتش المرحله دي .

السؤال السابع : تهدي التاج لمين ؟

ج : اولا شيماء زايد ، ثانيا : كل حد واي حد يقرا التاج ده او يشوفه عندي .

تم بحمد الله التاج الاول .

التاج الثاني : تاج عاشقة الرومانسيه ،
السؤال الأول : اذكر ستة اسرار لا يكتشفها من يقابلك لاول مره ؟
ج : وكده هتبقي اسراس ازاي يعني ، عموما ،
اعتقد انها :
1: الهدوء .
2: التواضع .
3: الصراحه المطلقه .
4: العصبيه .
5: كتومه شويه .
6: اخلاصي .
السؤال الثاني : سبع حاجات نفسك تعملهم ؟
ج : 1: نفسي اسافر بلد بعيده ذات أقليه مسلمه مضطهده ومحدش يعرفني فيها ومحدش يسأل ليه لو سمحتوا .
2: كمان نفسي اجمع كل اصدقائي واهلي وكل الناس اللي بحبهم ونتصور صوره كلنا مع بعض .
3،4،5،6،7 : اشوف انسان عزيز عليا جدا واحج ونفسي في حاجه بس سر محدش هيعرفها ابدا غير اما تتحقق .
السؤال الثالث : سبع حاجات معرفتش تعملهم ؟
ج : مش عايزه افتكرهم اصلا انا دلوقتي بفكر في اللي عايزه اعمله .
السؤال الرابع : سبع حاجات دايما بتقولهم ؟
ج: يا رب ، ان شاء الله ، اوك ، ما شاء الله ، الله يكرمك ، الحمد لله ، استغفر الله العظيم .
السؤال الخامس : سبع مشاكل في حياتك ممكن تحلهم بالفلوس ؟
ج: كتير مش سبعه ، حتي كمان بقي فيه مشاعر بالفلوس .
السؤال السادس : سبع اماكن بتحبهم ؟
ج: اسكندريه ، الفيوم ، دمنهور ، البحر ، النيل ، السما ، مكان في خيالي .
السؤال السابع : اشخاص بتحبهم غير ماما وبابا واخواتي ؟
ج: اصدقائي كلهم ، وخالو عمرو ، وخالتو فيفي ، وعلا ، وشيماء .
السؤال الثامن : مدونين بتحب تقرالهم ؟
ج: أي حد بيكتب باحساس وعنده هدف ، وهم كتير علي فكره .
السؤال التاسع : تمرر الواجب ده لمين ؟
ج: برده لاي حد وكل حد يقراه ويحب يجاوبه ، واولهم شيماء زايد .
ولهم مني سؤال بقي ، استعدوا :
س : ايه الحاله اللي بتكون فيها وانت بتكتب وايه طقوسك ؟
ولكل انسان علق عندي وهداني هديه شكر عميق جدا ، وبالاخص اصحاب الهديه دي واقولهم : تحيه اسكندرانيه جدعه موت .
دمتم مع الاعتذار الشديد لحبيبتي اللغه العربيه .

هناك 36 تعليقًا:

حروف يقول...

بححححححححجز
حقرا وارجع

حروف يقول...

ممممممممممممم واول تعليق وتاني تعليق ويمكن اكون التالت كمان"وش بيطلع لسان"

Hanan Elshafey يقول...

هههههههههههههههه
اول وتاني وتالت ورابع لو عايزه
وابقي قابليني
وش بيضحك ويكركر
ازيك يا قمر

مـجـنـووون يقول...

تشرفنا بالتعرف بك سيدتي الجميلة

ويا رب تكوني من الناس الي بتسيب بصمة في عالم التدوين

تقبلي مروري
مجنووون

عاشقه الرومانسيه يقول...

حبيبتى ياحنان
اشكرك انك قبلتى التاج واجاباتك نااااار يابنتى والله

نفسي اسافر بلد بعيده ذات أقليه مسلمه مضطهده ومحدش يعرفني فيها ومحدش يسأل ليه لو سمحتوا .
انا بقى الفضول هيقتلنى
انتى غاويه غلب يابنتى؟

فضول تانى مره
ونفسي في حاجه بس سر محدش هيعرفها ابدا غير اما تتحقق

ايه هى الحاجه دى ياترى
(وش بيطلع لسانه)

ربنا يوفقك ويحقق كل امانيكى

تحيـــــاتـى

بسمة انور يقول...

السلام ععليك
هذه المدونه حقا رائعة
اتمنالك مزيد من التقدم
تحياتى
بسمة

ادم المصرى يقول...

حنان اذيك

اجابات كلها جميله جدا وحسيت انها كانت

سريعه عليكى ومخدتش فى اديكى وقت لئنها المفرود يكون مع الاسئله دى ورقه اجابه
هههههههههههههههههههههههههه

حروف يقول...

انا جيت ممممممحبيتك اكتر واكتر عشان اسكندريةوتاجات جاوبتي حلو جدا وحرقتي المفاجاة كنت حبعتللك تاج سووووووووول سبقتني معلش ياحببتي
واية القطط الحلوة دية انا عندي قطط عليفكرة
ومبروووووووووك علي التاج
ودمتي بخير يارب ياقمر

حروف يقول...

بلدياتي روح قلبي بلدياتي بموت في اسكندرية واللي بيجوا منها عشان انا اسكنرانية صميمة
بحبك يابلدياتي ياقمر وانا اقول الروح بردوا بتحن

حروف يقول...

وتحيا الوحدة الاسكندرانية
هههههههه
حعمللك فرح ههههههههههه
عندك في المدونة
وترررررم ان ان
شط اسكندرية ياشط الهوا
تررررم

romansy يقول...

السعيد لما يسعد التاجات تجيله بالجمله
ربنا يكتر التاجات يارب

اجمل حاجه بتكون فى التاجات اننا نتعرف على شخصيتك اكتر واكتر

adel يقول...

مبروك علي التاجيين

بس ايه الاجابات القصيرة دي.... مفيش ساسبنس او اي اثارة في الاسئلة

ههههههههههههه

ريمان يقول...

تاجين زى العسل والله يا حنان

واجاباتك ميه ميه

وعرفتنا على شخصيتك اكتر واكتر

وبجد انتى مدونه جميله اوى

من ساعه ما قرات البوست اللى فات وانا حبيت مدونتك جدا

Hanan Elshafey يقول...

مجنووون
انا الشرف ليا طبعا انك متابع مدونتي
وان شاء الله يا رب
اتمني كده
نورتني

Hanan Elshafey يقول...

عاشقة الرومانسيه
اولا انا مقدرش اتاخر علي اي حد احبه
وبعدين الهديه لااااااااترد
والحمدلله ان الاجابات عجبتك
ولا ومش بس اقليه اسلاميه
لا ومضطهده
دي حاجه فعلا نفسي فيها
اما بقي الحاجه اللي مش هقول لحد عليها دي
اقولك
لا مش هقوووولك
بكره اقولك
بس يارب تتحقق
اشكرك مره تانيه يا دودو
امين ياااااارب
نورتيني يا قمر

Hanan Elshafey يقول...

بسمه
اجمل بسمه
وارق بسمه
شرفتيني
وعليكم السلام ورحمة الله وبركاته
اشرقت بنور بسمتك الوضاءه
الحمد لله انها عجبتك
ويارب وانتي كمان في تقدم
يا رب الزياره تتكرر

Hanan Elshafey يقول...

آآآآآآآآآدم
الحمد لله
انت عامل ايه
مجهود ممتاز علي فكره
معلش الاجابات قصيره بس انا حاولت كتير انها تكون صادقه من غير تجميل يعني
وبعدين الصراحه هي اسئله فعلا عايزه
مش ورقه واحده دي عايزه لجنه بحالها عشان الواحد يمخمخ
دمت بود

Hanan Elshafey يقول...

حروووووووووووف ايه يا قمر انتي ده
اهلا باسكندريه واهلها
معلش يا ستي ولا يهمك
اكتب عالتاج ده انه من حروف كماني وهديه مقبوله طبعا
شفتي القطط
انا كمان عنديييييييييييييي
اسمها بانسيه
بموت فيها
ربنا يخليكي ليا يا حبيبتي وما يحرمني من طلتك البهيه
واسكندريه ترا را را
اسكندريه ترا را را
من بين ميادينها اتخير
اسكندريه وسماها
اما احنا يا اسكندرانياااااااااا
طالعين جميعا مزاجيااااااا
هههههههههههههههه
فكرتيني يا بنتي
ابقي خدي ايميلي وضيفيه عندك
هستناكي

Hanan Elshafey يقول...

رومنسي
اسعد واسعد بزيارتك ومتابعتك
صحيح بس ايه بقي تاجات تاجات يعني
نورتني
دايما يارب

Hanan Elshafey يقول...

عادل
الله يبارك فيك
وبعدين سيبنالك الساسبينس وكل الاكشن
ده كفايه المسدسات اللي عندك
اوعي وشك
ههههههههههههههههه
شرفتني

Hanan Elshafey يقول...

ريمان
انا اتشرفت بيكي اكتر واكتر
ايوه كده
ارفعي من روحي المعدنيه
هههههههههههههههههه
الحمدلله ان المدونه عاجباكي
ويارب تنوريني علطول بطلتك البهيه
نورتيني يا قمرايه دمتي بين رياح حنيني

Soul.o0o.Whisper يقول...

ايييييييييييييه داااااااااااا


دا أنا جاية متأخر خاااااااالص خااااااااالص


و بعدين جاية أشوف التدبيسة اللى دبستهالك

تدبيسينى ؟؟؟
احنا فينا من الكلام دا يا حنوووون؟؟؟


بس بجد اجاباتك رائعة جدا ...
مختصرة ، معبرة ،
بعضها مثير للتساؤل...

بسسسسسسسسسسسس ....
مش عارفة ليه حسيت أنك منعزلة شوية
بتحبى الوحدة

على فكرة أنا كنت زيك كدا
بس حياةالجامعة شوية
و التدوين شويتين تلاتة اربعة خمسة ..... إلى مالا نهاية
خلانى أجتماعية عن الاول كتيييييييييير


ياللا عقبالك ... :)


أما بئا التدبيسة

فمعلش أعذرينى هأخرها شوية






دمتى بكل سعادة و رضا وود

Asmaa Fathi يقول...

اولا البوست حلو اوى

كمان صورة القططين دول

وبعدين اجباتك بسيطه وغير متكلفة يعنى جاوبتى بتلقائيه شديد

بس هى ليه البلطجة فى محدش يسال
هههههههههههههههههه

ايه مسمعتيش قبل كده (اسأل استشير)

هههههههههههههههه

تحياتى

Hanan Elshafey يقول...

حبيبة قلبي سول
مش مهم يا قمر المهم انك جيتي طبعا
وبعدين اييييييييييييييييييي خدمه
تدبيسه تمام وكل اللي علق هروح اشوف جاوب ولا لا
هههههههههههههههه
بس بالعكس علي فكره
انا مش منعزله ولا حاجه
اصحابي كتيييييييييييييير جدا
واجتماعيه جدا جدا
بس انا حبيت الاجابات تكون واضحه
وبعدين لاااااااااااااااا مفر
هستني التدبيسه يعني هستناها
نورتيني

Hanan Elshafey يقول...

gana magdah
اهلاااااااااا وسهلا
ده ايه النور ده
لا مش نور اللمبه
ههههههههههههه
ده نورك يا جنه انتي
والله حاولت اد ما اقدر اني اكون صريحه
اه بقي بلطجه
هههههههههههههههههههه
عايز واحده مصاحبه سنيه جنزير وستيته العمشه تبقي ايييييييييييييه
ههههههههههههههههههههههههههههههههه
نورتي رياح حنيني ببهجتك

hasona يقول...

ربنا يكثر من يـِهدي اليك ومما يُهدي اليك

اجابتك بتفكرين بامتحانات الثانوية العامة- بتردي زي ما المنهج بيقول-يعني من داخل كتاب الوزارة
،،،
فعلا النفاق من أسوء الصفات الموجود لأنه صورة ميتة للكذب

شكرا لك
تحياتي

Hanan Elshafey يقول...

hasona
اشكرك او اشكرك
لاني صراحه مش عارفه مين يعني
حتي المدونه حاولت افتحها بلااااااااااا جدوي
اما بقي الاجابات
فالتاجين هديه مني
عايزين نشوف اجابات الاكاديميه وجامة هارفورد بقي
اما النفاق
يااااااااااااااااااااه
ده حاجه وحشه خاااااااااالص
شكرررررررررررا
نورتني
او نورتيني

Hanan Elshafey يقول...

الاستاذ العزيز صلاح حجازي
انا زرتكم وعلقت هناك
تحياتي

صوت من مصر يقول...

يا حنان بجد
احب اهدى ليكى تحياتى لهدؤك واجاباتك التى تستحق التقدير والاحترام وكمان الصراحه وللعلم انا فهمت ليه بلد بعيده فيها اقليه مسلمه ممكن اكون معاكى وده دعاء يستجاب ليه وليكى
تفكير منطقى جدا لكثره الثواب ؟

hasona يقول...

السلام عليكم
في البداية حبيت أُنَوه أني لست مدون ولا أملك مدونة
لكني أحب القراءة
لذلك أتابع القراءة الحية (المدونات ) من آن لأخر ، لا أكثر
واذا حبيت أن أضيف تعليق-بأكتب اميلي واكتب ما يجول بخاطري وأرسله
وما أعرفش مين حسونة اللي بيظهر ده-لأن أسمي محمد

احتمال أكبر انه عيب من الموقع نفسه

و مع ذلك وجدت انها لن تفرق كثيرا
،،،

شكرا لك كتير
لكن علي الاقل عرفت انك زورتيني وانا ماكنتش موجود-الباب مفتوح دائما
،،،،،
ثانيا
بلاش الهدايا التي تحدث أزمات سياسية دي(( فالتاجين هديه مني
عايزين نشوف اجابات الاكاديميه وجامعة هارفورد بقي ))
علي فكرة لم أقصد بكلام أي تريقة - انما كنت أقصد انك حضرتك بتجاوبي بدقة عالية بدون ما تهربي من السؤال كعادة البعض

أسف عن أي سوء فهم قد حصل

وأشكرك مرة أخري

وتقبلي مروري
وتقبلي تحياتي

Hanan Elshafey يقول...

صوت من مصر
اهلا وسهلا يا محمد
غيبه طويله
بس نورتني والله
بالنسبه للبلد ذات الاقليه المسلمه
(المضطهده)
مش كده برده
ثواااااااااااااب كبير
بس برده في اسباب تانيه يعني
كل سنه وانت طيب
دمت بود

Hanan Elshafey يقول...

وعليكم السلام ورحمة الله وبركاته
الأخ العزيز محمد
أشكرك عالتوضيح لانه فعلا اختلط علي الامر
لكن خسرنا مدون قد أعتقد صاحب فكر ورأي وسأنتظرك قريبا باذن الله
وولا يهمك
مفيش مشكله
انا لم اتضايق من التعليق برغم اعتباره تريقه يعني
لكني اخدت الموضوع بصدر رحب
لكن ردك له معني كبير جدا عندي لان معناه انك متابع وده شئ انا اللي اشكرك عليه
وارجو دائما اكون عند حسن الظن
تحياتي العميقه لك ولشجاعتك ولمتابعتك
وان شاء الله هستني تعليقك علي كل عمل انشره ، دبست نفسك بقي
دمت بين رياح الحنين
وفي رعاية الله

Mustafa Şenalp يقول...

çok güzel site. :)

Hanan Elshafey يقول...

mustafa senalp
thans for your comment
but excuse me i dont get
i dont speak your language
if you make it in english i would be happier
thanks again

شيماء زايد يقول...

متأخره كتير
بس انا كده دايما باجي في الاخر زي بوليس النجده

حنونه الجميله
انا بشكر النت والتدوين لانهم ساعدوني اعرفك بجد رغم انك بنت خالي من حوالي 21 سنه بس :)
ايتها النفس الجميله النقيه العنيده (بلا بلاستيك)

عايزه اقولك حاجتين
اولا متدنيش اكتر من حجمي
ثانيا بجد انا عمري ما اتكلمت عن نفسي التاج اللي اهديتهولي ده مشكله كبيييييييره جدا

Hanan Elshafey يقول...

شيموووووووووو
قلبي وروحي وعقلي وحبي وصديقتي وقريبتي
حجمك ده ولا ده حجم عائلي
هههههههههههههههههههه
يابنتي بجد مفيش ولا كلمه قلتها عنك فيها مبالغه
كمان انا اللي بشكر التدوين
وبشكر البلاستك
هههههههههههههههههههههه
بحبك في الله يا قمري